Longeso 19

Chizavu Cha Ndungo Wamwenemwene wa Kukanyama Iya?

Ku songo lia ufwe wenyi, Yesu kanakahanjika ni tumbaji twenyi awana​—⁠Petulu, Tiangu, Yoano ni Andeleu. Yesu yalianga kwalweza chilayi cha kuheta chenyi ku matangwa akusula, iye yahula ngwenyi: “Iya kevwe ndungo wamwenemwene, [wakushishika] wa kukanyama, yoze mwata wenyi hamwaha chiyulo cha akwa zuwo lienyi, mukuhana kulia kuli ayo ha mwaka wacho?” (Mateu 24:​3, 45; Marku 13:​3, 4 ) Yesu yashindakenya kuli a postolo jenyi ngwo, “mwata” wo makasakula waze manunga ni kuhana kulia cha mu spiritu kuli tumbaji twenyi. Aya analinga chizavu cha ndungo wacho?

Ayo kali tumbaji apema a Kristu akuwahisa ni spiritu musandu. “Ndungo” wacho kali chizavu cha mandumbu a ufulielo a Kristu hano hashi waze analinga milimo ya kuhana kulia cha mu spiritu kuli waze akuwayila no Yehova. Yetwe twakutalila kuli chizavu cha ndungo washishika hanga anunge ni “kutwaha kulia ha ola ize yinalite.”​—⁠Luka 12:42.

Ayo kakufunga chikungulwila cha Zambi. (1 Timoteu 3:15) Yesu kanakahana kuli ndungo chiteli cha kufunga mulimo mu ululikiso wa Yehova hano hashi​—⁠nawa ni kufunga yikumba, ni kusongwela mulimo wa kwambujola sango jipema, ni kutulongesa mu yikungulwila yetu. Ha chino ayo kakutwaha ize tunaho mu spiritu, “ndungo wamwenemwene wa kukanyama” kakuhana kulia cha mu spiritu mu mikanda ize twakukalakala nayo mu mulimo wa sango jipema, nawa ni ululikiso uze twakupwa nawo mu yikungululo yetu yikehe-yikehe ni yinene-yinene.

Chizavu cha ndungo, chashishika mu umwenemwene wa Mbimbiliya ni ha milimo yenyi ya kwambujola sango jipema, nawa kakanyama ha chize mahasa kufunga ni mana eswe yuma ya Kristu hano hashi. (Yilinga 10:42) Yehova kanawahisa milimo wacho, nawa kanayokesa ni kulumbamisa kulia cha mu spiritu.​—Izaia 60:22; 65:13.

▪ Iya yoze Yesu ahele chiyulo hanga ahane kulia cha spiritu kuli tumbaji twenyi?

▪ Chizavu cha ndungo kuchi chashishika ni kukanyama?

[Chizulie ha lifwo 21]

Yetwe twakuyuka ha kulia chetu cha mu spirituCT100