Longeso 4

Mumu Liaka Yetwe Tunalingi Tradução do Novo Mundo?

Ha miaka yinji, Yela ja Yehova te kakulilongesa ni kufambwisa ni kuhana Mbimbiliya jeka ni jeka. Kashika, yetwe tunakanyonga ngwo chatamba kulinga yimwe Mbimbiliya ya ulumbunwiso waha, uze washi kukwasa nawo atu hanga alilongese “chinyingi cha umwenemwene,” mumu Zambi che anazange kuli atu eswe. (1 Timoteu 2:3, 4) Kashika ha mwaka wa 1950, yetwe yituputuka kutuhwisa yihanda ya Mbimbiliya ya mu malimi aha, Tradução do Novo Mundo. Mbimbiliya yino kanakayilumbununa ni kushishika ni ushindakenyo weswe mu kuhianyisa wunji wa 100 a malimi.

Te chinatela yimwe Mbimbiliya yashi ni kuyinyingika. Ha kupalika cha miaka malimi kanalumuka, Mbimbiliya jikwo maliji jamo hanapu akulu hanji kanakaliwa ni kwanyingika. Nawa yisoneko yinji yikulu ya ushindakenyo ize yili hakamwihi ni yitangu awanyine ye yinatwehe ulumbunwiso upema wa mu Mbimbiliya mu malimi a Hepreu, ni Aramaika, ni Gregu.

Te chinatela umwe ulumbunwiso uze unashishika mu liji lia Zambi. Akwa kulumbununa Mbimbiliya ndo ashishike ha yisoneko yitangu ya kuhwima kuli Zambi, chaatambile kusalakanyisa manyonga jo. Mbimbiliya jinji jina lisandu lia Zambi, Yehova, hanalichizamo.

Te chinatela Mbimbiliya yifumanyise Mwenyayo. (2 Samuele 23:2) Mu Tradução do Novo Mundo nemo jina lia Yehova mulili ngwe chize tunawane mu yisoneko yitangu ya Mbimbiliya, linasolokamo mu wunji wa 7.000, tala nawa chilweza cha kachivungu kaze kali mwishi. (Masamu 83:18) Mbimbiliya yino yinakalinga miaka yinji ha kuyihengwola, yili yipema ha kuyitanga, nawa yakulumbununa kanawa manyonga ja Zambi. Nyi uli ni Tradução do Novo Mundo mu limi lie, chipwe ka, tunete kuli yena hanga utange Liji lia Yehova tangwa ha tangwa.​—Yoshua 1:8; Masamu 1:2, 3.

▪ Mumu liaka twanyongene ngwo ndo kulinga yimwe Mbimbiliya ya ulumbunwiso waha?

▪ Yika chatamba kulinga ni unazange kunyingika upale wa Zambi?

[Kasha/​Chizulie ha lifwo 7]

NINGIKA NAWA

Tanga “Maliji Atangu” (Prefácio) a mu Tradução do Novo Mundo hanga ukumbulule chihula chino: “Ni ulemu uka chizavu cha akwa kulumbununa anakalinga nawo Mbimbiliya yino?” Kashika, eseka ulumbununo wa yihanda yino mu Mambimbiliya jikwo jize hanji ulinajo: Uputukilo 25:29; Izaia 14:23; Mateu 5:3; 11:12; 1 A-Korindu 10:24, 25; A-Fwilipu1:8.

[Chizulie ha lifwo 7]

Kachivungu kakulu ka Symmachus muli jina lia Zambi mu Masamu 69:30, 31, ha sekulu 3 hanji 4 ja ha mashimbu jetu M.J.

[Chizulie ha lifwo 7]

Congo (Kinshasa)

[Chizulie ha lifwo 7]

Rwanda