Upale wa Zambi Uka?
Upale wa Zambi Uka?
Zambi kanazange hanga tupwe ni mwono wa mutolo ni sambukila, ni uwahililo mu paraisu hano hashi!
Hanji yena mukomoka ngwe, ‘kuchi muchipwa chashi kutwama chacho?’ Mbimbiliya yinambe ngwo, Wanangana wa Zambi muulinga upale wacho hano hashi, kashika Zambi kanazange hanga atu eswe alilongese hakutwala ku Wanangana wenyi, ni upale wenyi.— Masamu 37:11, 29; Izaia 9:7.
Zambi kanazange hanga yetwe tuyuke.
Ngwe umwe Tata wa zango unazange yize yipema kuli ana jenyi, Tata wetu wa mumalilu kanazange ngwo tupwe ni uwahililo wa mutolo. (Izaia 48:17, 18) Iye kanalakenya ngwo, yoze “malinga upale wa Zambi matwama ndo ku miaka ya mutolo.”—1 Yoano 2:17.
Zambi kanazange hanga twende mu jila yenyi.
Mbimbiliya yinambe ngwo Tangi yetu kanazange “atulongese ndako jenyi” hanga “tukende mu majila jenyi.” (Izaia 2:2, 3) Iye kanalulieka “amwe atu ha jina lienyi” hanga anyingikise upale wenyi hashi heswe.—Yilinga 15: 14.
Zambi kanazange hanga tulinunge mu uwayilo wenyi.
Uwayilo wa Yehova ushi kuhandununa atu, alioze unaanungu mu zango lia umwenemwene. (Yoano 13:35) Aya musono analongesa atata ni amama, hashi heswe chize chatamba kulingila Zambi hamuwika? Tunechi kuli yena hanga unyingike nawa kumbululo mu kamukanda kano.
[Kasha/Chizulie ha lifwo 2]
KUCHI MULILONGESA NI KAMUKANDA KANO
Fupa ola ha pwoso hanga uhengule malongeso eswe, mba uwane kumbululo lia yihula yacho. Nawa tala mu kasha “Ningika Nawa,” hanga ulikate ni yetwe, ha kulilongesa hakutwala ku yitanga yetu, mba unyingike kanawa ululikiso wetu chize unende.
[Kasha/Chizulie ha lifwo 3]
NINGIKA NAWA
Lilongese Mbimbiliya ni yetwe. Yena unalilongesa Mbimbiliya ni Yela ja Yehova? Nyi ka, wazangile upwe ni limwe longeso lia Mbimbiliya ku zuwo lie? Uchi kufuta nichimwe, chawana. Yena munyingika ngwo kulilongesa Mbimbiliya muchikukwasa kukundama kuli Zambi.
Eta mikanda yawana. Soneka ku chifuchi chize watwama kunyima lia kamukanda kano, hanga wite umwe mukanda wa mulimi lie, uze muukukwasa kunyingika Mbimbiliya.
Lilongese hakutwala kuli yetwe mu internet. Fupa mu lifwo lia Yela ja Yehova mu internete. Mwenamo yena muhasa kutanga Mbimbiliya ni kutala hanji kuchiza mikanda yetu ize yilimo mu unji wa 400 ja malimi. www. jw.org
Kota Muzanga Chinji Yuma Yize Mumona
SANGO JA YETU
Kuchi Longeso lia Mbimbiliya Akulilinga?
Hashi heswe, Yela ja Yehova kanaanyingika ha katalilo wo wa longeso lia Mbimbiliya liawana lize ayo akuhana. Tala chize akulilinga.
SANGO JA YETU
Mumu Liaka Chatamba Kulilongesa Mbimbiliya?
Mbimbiliya yinakumbulula yihula yilemu ya ku mwono ya tununu twa atu a hashi heswe. Ni yena unazange uwane kumbululo li yimwe yihula?
