Longeso 28

Yika Mutuhasa Kuwana mu Lifwo Lietu Lia mu Internet?

Yesu Kristu yamba kuli tumbaji twenyi ngwenyi: “pangu lienu likatemuke kumeso ja atu, hanga akamone yitanga yenu yipema, akachichimieke Tatenu yoze uli mu malilu.” (Mateu 5:​16) Ha matangwa wano akusula, yetwe tunakalakala kanawa ni yinyingi yaha, nawa ni Internet. Lifwo Lietu lia mu internet, www.pr418.com, yili jila yetu ize mutuwana maliji hakutwala ku ufulielo ni ku milimo ya Yela ja Yehova. Kuchi yapwa?

Mbimbiliya yakukumbulula yihula yinji. Yena muhasa kuwana ukumbululo wa yimwe yihula yilemu ize atu akulihula. Yimwe yihula yikwo yisambano kanayikumbulula mu kalifwo Unazange Kuningika nawa Umwenemwene? uli mu internet mu unji wa 400 a malimi. Yena muhasa kuwana nawa Mbimbiliya Tradução do Novo Mundo mu malimi anji ni ukwaso unji wa malongeso a Mbimbiliya, hamuwika ni mukanda O Que a Bíblia Realmente Ensina? nawa ni A Sentinela ni Despertai! Mikanda yinji yena muhasa kutanga hanji kuyivwa mu lifwo lia internet, hanji kuyichiza hanga uyipanjike mu chisaji che hanji kutala yizulie yakululieka mu PDF, hanji EPUB. Muhasa nawa kufwambwisa yimwe mikanda mulimi lie hanga uyilweze kuli umwe yoze mazanga ku yitanga! Muli nawa mikanda yinji ya yizulie mu malimi a tunaye. Nawa yena muhasa kuchiza utangilo wa maliji a mu Mbimbiliya ni yiheho ya mu Mbimbiliya, nawa ni miaso yipema ize muyikwaha chiseke.

Maliji aumwenemwene hakutwala kuli Yela ja Yehova. Yeswe yili mu lifwo lietu lia internet yili yaha, ni yiheho ya yizulie hakutwala ku milimo yetu ya hashi heswe, ni yuma ize yinapinjisa Yela ja Yehova, nawa ni ukwaso uze twakuhana. Yena muhasa kuwana nawa sango ja yikungululo yinene-yinene ha kuhula ku yishina yetu yikehe-yikehe.

Ha yino yuma, yetwe twakutemuna pangu lia umwenemwene mu membo eswe akusuku a hashi heswe. Atu a mu yifuchi yeswe, chimuwika ni akwa Antártida, kanayuku chinji. Tunalembe “hanga liji lia Yehova likatambuke” hashi heswe hanga uhenya wa Zambi ufumane.​— 2 A-Tesalonika 3:⁠1 NM.

▪ Kuchi lifwo lietu lia internet www.pr418.com linakwase atu hanga anyingike umwenemwene wa Mbimbiliya?

▪ Yika yena wakuzanga kufupa mu lifwo lietu mu internet?

[Kasha/​Chizulie ha lifwo 31]

UMWE UKANYMISO:

Amwe mafwo a mu internet hanasemo maliji amahuza kuli akwa kulimika ni ululikiso wetu. Ayo kakupiangula atu hanga eche kulingila Yehova. Chatutamba kwehuka malifwo jacho.​—Masamu 1:1; 26:​4; A-Roma 16:17.

[Chizulie ha lifwo 31]

França

[Chizulie ha lifwo 31]

Polônia

[Chizulie ha lifwo 31]

Russia