Akwa vungu limwe makakatukila akwa vungu likwo, ni akwa wanangana umwe makakatukila akwa wanangana ukwo . . . Alioze yino yuma yeswe we uputukilo wa yinyengo.”

Mateu 24:7, 8

Aprofeta anji a kwonga kumakasoloka, makapiangula anji. Mba se uhulia muwoka, zango lia anji kumuliza kukekema.”

Mateu 24:11, 12

“Muze munwivwa ha jita ni ndundumwino ya jita, kanda nukasungalala; mumu chatamba yino yuma yeswe kupwa; alioze songo kanda lichipwa.”

Marku 13:7

“Kumukukapwa minyiko yinene kweka ni kweka, ni tupunga ni yilungo. Kumukukapwa yuma ya kuvwisa woma ni yilayi ya mwilu.”

Luka 21:11

 “Alioze nyingika chino, ha matangwa a kusula kumukukapwa miaka yikalu. Mumu atu kumakapwa akwa kulifwila ene, akwa kufwila mbongo, akwa kulizata, akwa kulizelula, akwa kushililika, keshi kwononoka kuli yisemi jo, akwa kaleleso, akwa luchisa, keshi zango lia atu, keshi kuhutuka, yilamikiji, keshi kusuula, asasu, keshi kufwila yipema, akwa kuhandukulula, akwa kulipupula, akwa kulifuza, kakuzanga kuheha, kazangile Zambi. Uwayilo wa kumeso kali nawo, alioze kakulikala tachi jawo.”

2 Timoteu 3:1-5