“Mukanda uno wa shimbi kanda ukakatuka mu kanwa lie, alioze ukaupukune mwalwa ni ufuku, ukalinge kanawa nikulita ni yize yeswe yinasonewamo. Chocho muwahisa jila ye; chocho yuma ye muyiwaha.”

Yoshua 1:8

“Yatanga mu mukanda, mu shimbi ja Zambi zwa, nikulumbununa hanga kutanga chikaalumbunuke.”

Nehemia 8:8

“Kawaha mwe mutu yoze keshi kwenda mu chiyulo cha yingulungulu, . . , alioze kuwahilila chenyi chili mu shimbi ja Yehova. Kakupukuna mu shimbi jenyi mwalwa ni ufuku. . . . Cheswacho malinga muchiwaha.”

Samu 1:1-3

“Fwilipe yazomboka kuli iye, yamwivwa kanatange mukanda wa profeta Izaia. Fwilipe yamba ngwenyi, Unayingika chize unatange, nyi? Iye yakumbulula ngwenyi, Kuchi munguhasa? Shina umwe mangusongwela!”

Yilinga 8:30, 31

 “Mumu chize ku kutanga cha hashi, yuma ya uzambi wenyi ni tachi jenyi ja mutolo yize kuyishi kumoneka, yinasoloka pundu mu yuma yize hanatange. Chocho niumwe keshi kuhasa kulionga, hanji kulisambisa.”

Roma 1:20

“Pukuna yino yuma. Litumbikileko liakulu hanga kusenya che kulutwe chikasoloke kuli eswe.”

1 Timoteu 4:15

“Tulitalenu umwe ni mukwo ni mukwo ni kulikasumuna ku zango ni yitanga yipema. Kanda twehuka kulikungulula hamuwika.”

A-Hepreu 10:24, 25

“Nyi kachi umwe wa kuli yenu mahona mana, akete kuli Zambi, yoze wakuhana kuli eswe ni kuvungumuna, mba kumakamwaha-o ni kuchokana chakuhi.”

Tiangu 1:5