CHIHULA 5
Sango jika jilemu jili mu Mbimbiliya?
“Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.”
“Mu munyachi we makawahisa mavungu eswe a hashi, mumu hiunononoka ku liji liami.”
“Wanangana wenu wize. Upale wenu ulingiwe hashi chizechene ngwe unalingiwa mwilu.”
“Zambi ya sambukila kumakafwenya Satana kushi lia yiliato yenu kamunomuno.”
“Muze te hazeyesa yuma yeswe kuli iye, hohene mwe Mwana nawa iye mwene kumakalizeyesa kuli yoze wazeyesele yuma yeswe kuli iye, hanga Zambi akapwe yuma yeswe muli eswe.”
“Ahanyine yilakenyo kuli Apalahama, ni kuli mukwa munyachi wenyi . . . mwenawo Kristu. Se nuli akwa Kristu, nuli munyachi wa Apalahama.”
“Wanangana wa hano hashi hiwapwa wa Mwene wetu, ni wa Kristu wenyi:iye kumakayula ndo ku miaka yeswe ya mutolo.”
“Ndragau munene amunyashine hashi, mwe kapela wa shakulu, jina lienyi ngwo, Ndiapu kanda Satana, mwe mukwa kupiangula yifuchi yeswe ya hashi. Amunyashine ndo hashi, ni angelo jenyi hamwe nenyi.”
“Iye yakwata ndragau, mwe kapela wa shakulu, mwenawo Ndiapu kanda Satana, yamukasa kanunu ka miaka.”
