Chihanda 14
Kuchi Yena Muhasa Kupwa Mukwa kushishika Kuli Yehova?
Pwako hamuwika ni Zambi. 1 Petulu 5:6-9
Kanda ulinga ndako jize jishi kulita ni Mbimbiliya. Ndo upwe ni hamu mba weche ndako jacho.
Kanda ulinga yuma ya manguvulu a hano hashi; mumu ayo keshi kwononokena Yehova ni Wanangana wenyi.
Sakula yize yinapeme—panjika Zambi. Mateu 7:24, 25
Likate ni yela ja Yehova; ayo makukwasa hanga ukundame kuli zambi.
Lilongese liji lia Zambi matangwa eswe ni kwononokena shimbi jenyi.
Muze ufulielo we hi woka, lihane kuli Yehova hanga ulipapachise.—Mateu 28:19.
Panjika Zambi. Tanga Mbimbiliya, eta kuli yela ja Yehova hanga akukwase mba uyinyingike. Hi, linga yize unalilongesa. Nyi wayilinga mukapwa ni mwono wa mutolo.—Masamu 37:29.
Kota Muzanga Chinji Yuma Yize Mumona
SANGO JA YETU
Eta Umwe Eze ni Kukumeneka
Kushimutwina chimwe chihula cha mu Mbimbiliya, kunyingika yuma yinji hakutwala kuli Yela ja Yehova.
SANGO JA YETU
Yako Kukunguluka cha Yela ja Yehova cha ha Chikungulwila
Nyingika kuze twakulikungulwila ni chize uwayilo wetu wapwa. Atu eswe mahasa kupwa ha kukunguluka chacho nawa keshi kwitako mbongo.
