Chihanda 3
Mwono mu Paraisu te Kuchi Wapwa?
Yehova yahana yuma yinji yipema kuli Alama ni Eva. Uputukilo 1:28
Yehova watangile pwo mutangu, Eva, mba yamuhana kuli Alama hanga apwe mukwo pwo.—Uputukilo 2:21, 22.
Yehova yaatanga ni manyonga ni mujimba upema uze te kuushi kapalia.
Te kaatwama mu munda wa Endene, chimwe chihela chipema te mwapwile ngiji, ni tushitu ni mitondo yize te yakwima mihuko.
Yehova te kakuhanjieka no; ni kwalongesa. Nyi te kanakapanjika kuli iye, kachi te kanakatwama ku miaka ya mutolo mu Paraisu hano hashi.
Zambi yamba ngwenyi, kanda nulia kumuhuko wa mutondo umuwika. Uputukilo 2:16, 17
Umwe mungelo yapwa chihulia kuli Zambi. Mungelo wacho mupi mwe Satana Ndiapu.
Yehova yalweza Alama ni Eva muhuko wa mutondo umuwika wa muwande, ngwenyi, kanda nuliako ni nwawulia munufwa.
Satana te kazangile ngwo Alama ni Eva ononokene kuli Yehova. Kashika iye yatuma kapela hanga ahanjike ni Eva ngwenyi, nyi walia ku muhuko wa mutondo kunuchi kufwa, alioze munupwa ngwe Zambi. Kumana te mahuza.—Uputukilo 3:1-5.
Kota Muzanga Chinji Yuma Yize Mumona
ESSENTIAL BIBLE TEACHINGS
Mumu Liaka Zambi Atangile Hashi?
Hashi hazala too ni yuma yipema. Usuhwe watwama mukachi ka hashi ni tangwa walita, ni hashi hasendala kanawa, ni kulijinga chaho nawa chalita. Mumu liaka Zambi asele tachi ni kupemesa hashi chichize?
