TUVUMBI Tuvumbi kaliho hanga anukwase. Kashika, kaulenu yize ayo manulweza, ngwe hakutwala ku parke, kunjila ni kutuhuka mu chihela cha kukunguluka cha mambonge, kulifunga ku ponde, ni ku yuma yikwo nawa.

UPAPACHISO Yitwamo ya waze mapapachisa muyikapwa kulutwe lia palku. Waze mapapachisa, eswe katamba kutwama kulutwe muze pande ja upapachiso kanda jichiputuka lia Sambata ha chimene. Eswe katamba kuneha twalia ni mazalo waze alita.

MILAMBU Kwafwika mbongo jinji, mba tupwe ni yitwamo, yisaji, ni milimo yikwo yize yapemesa chihela chino hanga tukunguluke kanawa ni kutukwasa kukundama kuli Yehova. Kashika mulambu we muhasa kukwasa ululikiso wa kukunguluka chino ni mulimo uze analingi hashi heswe. Nyi muzanga kulambula, kuli mishete ya milambu ha chihela cha kukunguluka. Mulambu weswawo muhana uli ni ulemu unji. Chizavu cha Tusongo mawahilila chinji ha ukwaso uze muhana ha kukwasa mulimo wa Wanangana.

UKWASO UTANGU WA UWUKISO Ni vumbi lieswe nyingikenu ngwenu, uno uli wika ukwaso wa KAFUJI-FUJI.

CHIPATULO CHA YUMA YATOKA NI KUSOLOKA Chuma cheswacho mutu matongona, katamba kuchihana ku Chipatulo cha Yuma Yatoka ni Kusoloka. Nyi watokesa chimwe chuma yako ku chipatulo chacho hanga utale nyi kwe chili. Ana waze anatoko nwatamba kwatwala ku chipatulo chacho. Alioze kanda nunyonga ngwenu, chipatulo chacho chili cha kufungila ana. Ni vumbi lieswe tunanwite hanga nufunge kanawa ana jenu, nawa twamenu no hamuwika.

YITWAMO Nyongenu kama akwenu. Iwulukenu ngwenu, munuhasa kufunga wika yitwamo ya asoko ni waze nweza no hamuwika mu mashinyi, ni alongi jenu a Mbimbiliya. Ni vumbi lieswe, kanda nusa yuma ha yitwamo yize kunuchi kutwama.

MULIMO WA AKWA-KULIHANA-ENE Nyi muzanga kukwasa milimo ya kukunguluka cha mambonge, hanjika ni mandumbu ali ku Chipatulo cha Sango ni Mulimo wa Akwa-Kulihana-ene.

SHIKOLA YA AKWA-KWAMBUJOLA WANANGANA Ma pionelu waze ali ni miaka 23 ni 65 anazange kwokesa mulimo wo wa kwambujola, kanaasanyika hanga akapwe ha kukunguluka cha waze anazange kuya ku Shikola ya Akwa-Kwambujola Wanangana, Liayenga chingoloshi. Makatwa mutambi hakutwala ku chihela ni ola ya kukunguluka chacho.