Alumwona chivumo cha liji lie. Tohwesa liji lie muze muhanjika ha yikuma yilemu hanga ukwate ku mbunge ya waze anakupanjika. Linga chimuwika ni muze mutanga Yisoneko yize yinatale ku upatwilo. Kehesa liji nyi mufupa atu ashimbwile yize muzanga kwamba hanji kwevwisa mwongo chipwe kwaalingisa hanga azakalale.

Kandwisa liji lie hanji lipalumwise. Muhasa kukandwisa liji ha kuhanjika yize unevwila kuwaha hanji hakusolola utohwe wa chuma chipwe kusuhwa cha jimwe tando, nyi muchilita kuchilinga mu limi lienu. Palumwisa liji ha kuhanjika yuma ya chinyengo hanji ha yimwe yipikalo.

Hanjika kafuji-fuji hanji makokemakoke. Hanjika kafuji-fuji usolole kuwahilila che. Hanjika makoke-makoke muze mushindakenya ha yikuma yilemu.