Pwako ni manyonga apema hali waze anakupanjika. Nyingika ngwe ni mandumbu je no kanazange kuvwisa Yehova kuwaha. Chipwe ngwe watamba kwaha limwe fumbo, nihindu chitangu wanako haze mwaachichimiekena ni mbunge yeswe.

Kanda uhanjika chinji ha sango jipi. Muhasa kutongolako yimwe yipikalo nyi muyikukwasako mu pande je. Pande je jeswe jatamba kutala ha yuma yipema.

Zachisa kanawa Liji lia Zambi. Shindakenya ha yize Yehova hanalingi, ni yize uchili ni kulinga, ni yize makalingila atu kulutwe lia matangwa. Kolweza ni kutakamisa waze anakupanjika.