LONGESO 18
Kuhanjika Yize Muyikwasa Mbunga
1 A-Korindu 9:19-23
CHIKUMA CHILEMU: Kwasa waze anakupanjika anyonge ha yize unahanjika, ni kulivwa ngwo kanalilongesa yuma yilemu yize muyaakwasa ku mwono wo.
YIZE WATAMBA KULINGA:
-
Nyonga ha yize ananyingika kulu waze anakupanjika. Kwasa waze anakupanjika amone sango je mujila yikwo yaha, hi kufunyina ko yuma yize hanevu kulu.
-
Hengwola ni kupukuna. Nyi muchilita, zachisa yikuma yize waze anakupanjika kanyingikine chinji hanji sango jaha jinevwika ha yisaji hanga ulumbunune yikuma yilemu. Nyonga chinji ha pande je ni kumona chize yikuma muzachisa yinakwate ha pande je.
-
Solola ulemu wa sango je. Lumbununa chize yikuma ya mu Yisoneko muyihasa kukwasa waze anakupanjika ku mwono wo. Hanjika ha yuma yakusolojoka, mbunge yize akusolola atu hanji yitanga yo yize muyikwasa atu waze anakupanjika.
