Lilulieke kanawa. Watamba kunyingika yize asonekena sango mutanga. Lijilise kutangila hamuwika maliji anji hi liji ni liji ko. Kanda uselako maliji hanji kwaazomboka, chipwe kwaasalakanyisa ni maliji eka. Kaula kanawa tuyilayi tweswe twauhwimino.

Vuluka kanawa hita liji. Nyi kuwanyingikine kanawa mwakuvulukila limwe liji, litale mu ndishinalio, panjika ha chize akutanga maliji a kukopa, hanji hula kuli waze akutanga kanawa hanga akukwase.

Hanjika ndusu. Vuluka maliji kanawa, aku unolola kanawa mutwe ni kupakula kanawa kanwa hakuhanjika. Sako tachi uvuluke kanawa hita lusona.