CHIHANDA 5
Chize mu Ufunge ku Babilonia ndo ha Utungulwilo wa Yipanga ya Yerusaleme
Muze A-Izalele te achili mu ufunge ku Babilonia, ayo kanakapwa mu yeseko yinji ya ufulielo wo. Shadrake, Meshake ni Abedenego kanakaakonga mu lutengo wa kahia, alioze Zambi yaachizamo ni mwono. Kulutwe lia matangwa, muze Babilonia te hayikumba kuli A-Midia ni A-Persia, Daniele neye yamunyasa mu wina wa ndumba, alioze Zambi yamufunga ha kuyika makanwa ja ndumba.
Hi chocho, mwanagana Ka-Persia Siru yatusula A-Izalele. Mba ayo yafuna ku chifuchi cho, kanakalinga 70 a miaka chize muze atwalile ku Babilonia. Muze ayo anakaheta ku Yerusaleme chuma chitangu anakaputuka kulinga kutunga tembele ya Yehova. Alioze, akwa kole yeza ni kukwika milimo yo. Kashika kunakapalika 22 a miaka chize muze ayo ahetele mu Yerusaleme mba yahwisa tembele.
Hi kusongo, yetwe mutulilongesa hakutwala ku wenyi wa Ezera ku Yerusaleme hanga apemese tembele. Ha mashimbu jacho te hikwapalika 47 a miaka chize muze ahwishile utungilo wa tembele. Te hikwapalika nawa miaka 13 chize muze Ezera ayileko, mba Nehemia yakwasa kutungulula yipanga ya Yerusaleme yize apuzwile. Chihanda CHAMUCHITANO yishima yamo yinakalinga 152 a miaka ndo ha mashimbu jetu.
HA CHINO CHIHANDA
CHISHIMA 77
Ayo Kakafulamanyine
Shina Zambi te malamwina lume akweze wano atatu ku lutengo wa kahia mumu lia kwononoka cho?
CHISHIMA 79
Daniele mu Wina wa Ndumba
Daniele kanakamupatwila ku kufwa, mba yika iye te atamba kulinga?
CHISHIMA 80
Atu ja Zambi Kanatuhuka mu Babilonia
Mwanangana Siru wa ku Persia kamanunwine umwe uprofeto muze akwachile A-Babilonia, alioze haliapwila uprofeto ukwo unamanunuka.
CHISHIMA 81
Kujikijila ku Ukwaso wa Zambi
A-Izalele yehuka shimbi ja atu hanga akononokene Zambi. Shina Zambi te maawahisa lume?
CHISHIMA 82
Estere ni Mordekai
Mwazovu Vashti kapwile chileza, alioze Mwanangana Ahashueru yasakula Estere ngwe mwazovu wenyi. Mumu liaka achilingile?
CHISHIMA 83
Yipanga ya Yerusaleme
Shimbu machitungulula yipanga, akwa-kukalakala katamba kununga ni kupwa ni mukwale hamwe ni kunga yo ufuku ni mwalwa.
