CHIHANDA 6
Chize ha kusemuka cha Yesu ndo ha Kufwa Chenyi
Zambi yatuma mungelo Gabriele kuli umwe mwana-pwo mupema jina lienyi Maria. Iye yalweza Maria ngwo makasema umwe mwana yoze makayula ngwe mwanangana ha miaka yeswe. Mwana wacho, mwe Yesu, kanakasemukina mu tanga, mwenamo tufunga a mapanga ayile ni kumutala. Kulutwe lia matangwa, umwe katongonoshi yasongwela amwe malunga a ku chivumbuko ndo kuli mwana wacho. Yetwe mutunyingika iya yoze unakaasolwela katongonoshi wacho, nawa chize Yesu anakamulamwina ku ufwe.
Hi kusuloho, yetwe mutumona Yesu, muze te iye uchili ni miaka 12, kanahanjika ni alongeshi mu tembele. Ha kupalika cha miaka kumi ni nake Yesu yamupapachisa, hohene iye yaputuka kwambujola ni kulongesa hakutwala ku wanangana, mulimo uze Zambi anakamutuma hanga alinge hano hashi. Yesu yasakula 12 a malunga yavuluka ngwo apostolo, hanga amukwase mu mulimo wacho.
Yesu nawa kanakalinga yikomokeso yinji. Iye yalisa tununu twa atu ni amwe yishi ni jimwe mbolo. Iye yauka mieji, nawa yahindwisa afwu. Hi kusongo, mba mutulilongesa hakutwala ku yuma yinji yize yinakapwa kuli Yesu kusongo lia matangwa a mwono wenyi, ni chize iye anakafwa. Yesu kanakambujola sango jipema ha miaka yitatu ni chipinji, kashika CHIHANDA 6 chinakalinga 34 a miaka.
HA CHINO CHIHANDA
CHISHIMA 84
Umwe Mungelo Yameneka Maria
Iye yanehena Maria sango kukatuka kuli Zambi ngwo: Maria mukasema umwe mwana yoze makapwa mwanangana wa miaka yeswe.
CHISHIMA 85
Yesu Kasemukina mu Tanga
Mumu liaka mwana yoze te mapwa mwanangana kulutwe lia matangwa anakasemukina mu tanga?
CHISHIMA 86
Malunga Kanaasongwela Kuli Katongonoshi
Iya yoze unakasongwela yimbanda ndo kuli Yesu? Muhasa kukomoka ha kumbululo.
CHISHIMA 87
Kanuke Yesu Kali mu Tembele
Iye kapwile ni chuma chize chakomwesene chipwe makulwana waze te akulongesa mu tembele.
CHISHIMA 88
Yoano Kanapapachisa Yesu
Yoano te kakupapachisa atu hanga akonekene shili yo, alioze Yesu kanda achivulumuna kama. Mba mumu liaka Yoano amupapachishile?
CHISHIMA 90
Hamwe ni Umwe Pwo ku Shima lia Meya
Kuchi meya waze Yesu mamwaha mahasa te kumukwika kupwa nawa ni pwila?
CHISHIMA 91
Yesu Kanalongesa ha Umwe Mulundu
Wana mana ha kulilongesa Longeso lienyi lia ha Mulundu.
CHISHIMA 92
Yesu Yahindwisa Afu
Ni ukwaso wa ndundo ja Zambi, Yesu yahanjika maliji aali wika hanga ahindwise mwana wa Yaru.
CHISHIMA 93
Yesu Yalisa Atu Anji
Ha kulisa tununu twa atu kupalikila mu yikomokeso, Yika Yesu te anazange kulongesa?
CHISHIMA 94
Iye Kakuzanga Twanuke
Yesu kanalongesa tumbaji twenyi ngwenyi katambile wika kulilongesa hakutwala kuli twanuke, alioze katamba nawa kulilongesa kuli ayo.
CHISHIMA 95
Chize Yesu te Akulongesa
Chishima cha Yesu cha mwenyembo Ka-Samaria chili chimwe cha ku chilweza chize azachishile chinji.
CHISHIMA 97
Yesu Kaneza Ngwe Mwanangana
Mbunga yinene yiyimutambula, alioze hi atu eswe ko anakawahilila.
CHISHIMA 98
Ku Mulundu wa Olivwe
Yesu kanalweze kuli apostolo jenyi awana hakutwala ku yuma yize muyikalingiwa.
CHISHIMA 99
Mu Chimwe Chipatulo cha Kwilu
Mumu liaka Yesu alwezele tumbaji twenyi hanga alinge chiwanyino ha hita mwaka?
CHISHIKA 101
Yesu Kanamushaha
Chipwe muze te anamushiha ha mutondo wa lamba, iye yalinga chilakenyo hakutwala ku paraisu.