Maliji Atangu a Chihanda 3
Ha miaka yize yasulileho ha kuhwa cha Sanga lia Meya, Mbimbiliya yakuvuluka majina ja atu akehe waze anakalingila Yehova. Umwe wa kuli atu jacho kali Apalahama, yoze te anyingika ngwo, sepa lia Yehova. Mumu liaka te akumuvuluka ngwo sepa lia Yehova? Nyi uli chisemi, kwasa ana je hanga amone chize Yehova akwaazanga ni chize akuzanga kwaakwasa. Chizechene ngwe Apalahama ni malunga akwo ashishika, ngwe Lote ni Yakomba, mutuhasa kwita kuli Yehova hanga atukwase. Mutuhasa kupwa ni ushindakenyo ngwetu, Yehova kumamanununa yilakenyo yenyi yeswe.
HA CHINO CHIHANDA
LONGESO 7
Kaposhi wa Mbapele
Atu amwe yakwata chiyulo cha kutunga kaposhi musuku yoze te maheta mwilu. Mumu liaka Zambi susumuku yaalingisa hanga jihanjike malimi alisa?
LONGESO 8
Apalahama ni Sara Yononokena Zambi
Mumu liaka Apalahama ni Sara awuchikile mwono wo upema ni kuya mu chifuchi cha Kanana?
LONGESO 9
Mba Yapwa ni Mwana!
Kuchi Zambi te mamanununa chilakenyo chize alingile kuli Apalahama? Shina hita mwana wa Apalahama te malinga chihanda cha chilakenyo chacho—Izake nyi Ishemali?
LONGESO 10
Iwuluka Pwo Lia Lote
Zambi yatuma kahia ni fundanga mu Sondome ni Ngomora. Mumu liaka mbonge jino ajinongesele? Mumu liaka twatamba kwiwuluka pwo lia Lote?
LONGESO 11
Cheseko cha Ufulielo
Zambi yalweza Apalahama ngwenyi: ‘Anda mwane wa wika, hanga umulambule kuli yami ngwe chitapo ha mulundu wa Moria.’ Kuchi te Apalahama makumba cheseko chino cha ufulielo?
LONGESO 12
Yakomba Yazuka Chihinga
Izake ni Rebeka yasema ana mapasa yaaluka majina ja Esau ni Yakomba. Amu Esau te mwana mutangu, te kakwete chihinga chinene. Mba mumu liaka ahanyine ukulwna wenyi hamukunda wa chimwe kulia?
LONGESO 13
Yakomba ni Esau Yalivwashana
Kuchi Yakomba atambwile chiwape kuli mungelo? Nawa kuchi iye alivwashanyine ni Esau?
