Yehova kawahishile Solomone ni mana anji nawa yamwaha mulimo ulemu wa kutunga tembele, chipwe chocho hakehe-hakehe iye yehuka Yehova. Nyi uli chisemi, lumbunwina ana je chize uwayilo wa mahuza wa piangwile Solomone kuli Zambi. Wanangana yiulihandununa, nawa mianangana api yatwala vungu lia Izalele mu jila yipi ni kuwayila mahamba. Ha mashimbu jacho, aprofeta anji a Yehova kaamwesele lamba ni kwaashiha. Mwazovu Jezebele yatwala nawa wanangana wa ku sango mu utanguke. Wano kapwile mashimbu api mu mwono wa A-Izalele. Alioze, mukachi ka A-Izalele nihindu mwapwile tuvumbi a Yehova anji ashishika, kuchingako Mwanangana Yehosofate ni profeta Eliya.