LONGESO 03
Shina Wakufuliela mu Umwenemwene wa mu Mbimbiliya?
Mbimbiliya yinalakenya yuma yinji, nawa muli yiyulo yipema. Hanji unazange kunyingika yize Mbimbiliya yakulongesa alioze unevu woma. Shina watamba lume kufuliela ha yilakenyo ni yiyulo ya mu mukanda ukulu? Shina muhasa kufuliela ha chilakenyo cha mu Mbimbiliya cha kupwa ni uwahililo haliapwila ni kulutwe lia matangwa? Tununu a tununu ja atu che akulinga. Kashika tunakukolweza hanga ulimwene yena mwene.
1. Shina sango jize twakuwana mu Mbimbiliya jili lume jamwenemwene?
Mbimbiliya yene yinambe ngwo, muli “maliji amwenemwene.” (Chilumbununyi 12:10) Yakusolola ngwo, yuma yize asonekamo hi yuma ya kutaka ko, ni atu waze alingile yuma yacho kapwile amwenemwene. (Tanga Luka 1:3; 3:1, 2.) Atu anji akuhengwola sango ja shakulu ni akwa-kuvumbula yuma yikulu, kakutayiza ngwo, yuma yize Mbimbiliya yakwamba hakutwala ku miaka, atu, yihela, ni sango jikwo nawa yili yamwenemwene.
2. Mumu liaka mutuhasa kwamba ngwetu sango ja mu Mbimbiliya nihindu jichili ni ulemu?
Mbimbiliya yaliangile kuhanjika yuma yimwe yize te atu kanyingikine ha mashimbu waze ayisonekene. Chakutalilaho, yakuhanjika ha yuma ya ciência. Yuma yinji yize Mbimbiliya yambile, atu te keshi kuyitayiza ngwo yamwenemwene. Alioze, musono akwa-ciência kakutayiza ngwo yuma yize Mbimbiliya yambile yili yamwenemwene. Kashika maliji jamo malinduluka “ku miaka yeswe ya mutolo.”—Samu 111:8.
3. Mumu liaka twatamba kufuliela ha yuma ya kulutwe lia matangwa yize Mbimbiliya yakulakenya?
Mu Mbimbiliya muli uprofeto * uze wakulumbununa “yuma kanda ayilinga.” (Izaia 46:10) Mbimbiliya yahanjikile yuma yinji shimbu te kanda yichilingiwa. Yahanjikile nawa mu yimako-yimako yuma yize yinalingiwa musono. Ha longeso lino mutuhengwolaho uprofeto umwe wa mu Mbimbiliya. Kumanunuka cha uprofeto wa mu Mbimbiliya chakukomwesa chinji!
NYINGIKA NAWA
Hengwola hanga umone chize ciência yinalite ni Mbimbiliya ni chize uprofeto wamo wakukomwesa.
4. Ciência yinalite ni Mbimbiliya
Ha mashimbu waze asonekene Mbimbiliya, atu anji kapwile ni kutayiza ngwo, kuli yuma yize yakwata hashi. Tala CHINEMA.
Tanga yize mukanda wa Yombi wambile ha miaka 3.500, kunyima. Tanga Yombi 26:7, mba nushimutwine chihula chino:
-
Mumu liaka chakukomwesa chinji kunyingika ngwo hashi ‘kuhazezala mu tetela?’
Atu kanyingikine wika ulumbunwiso walita ha yize yakulingiwa mba vula anoke ha mwaka 1800. Alioze tala yize Mbimbiliya yaliangile kwamba ha miaka 3.500 kunyima. Tanga Yombi 36:27, 28, mba nushimutwine yihula yino:
-
Mumu liaka yuma yize yakulingiwa mba vula anoke, yakukomwesa?
-
Shina chisoneko achi twatanga muchihasa kukukwasa kufuliela chinji Mbimbiliya?
5. Mbimbiliya yaliangile kuhanjika hakutwala ku yuma yimwe yilemu
Tanga Izaia 44:27–45:2, mba nushimutwine chihula chino:
-
Yuma yika Mbimbiliya yaliangile kwamba ha miaka 200 kunyima shimbu te Babilonia kanda ayinongesa?
Sango jakusolola ngwo, Siru Mwanangana wa Persia ni maswalale jenyi kanongesele mbonge ya Babilonia ha mwaka 539 K.M.J. * Yapula lwiji yoze te wakufunga mbonge. Maswalale kawanyine yikolo ya mbonge yawashi, kashika yanjila mu mbonge ni kuyinongesa chakuhona kusa tachi jinji. Hikwapalika unji wa miaka 2.500, ndo ni musono Babilonia hiyinasala yikulu yamokomoko. Haliapwila tala yize Mbimbiliya yaliangile kwamba.
Tanga Izaia 13:19, 20, mba nushimutwine chihula chino:
-
Kuchi uprofeto hakutwala ku mbonge ya Babilonia wamanunukine?
Chize yili yikulu ya Babilonia musono mu Iraque
6. Mbimbiliya yaliangile kuhanjika ha yuma yize yinalingiwa musono
Mbimbiliya yinasolola ngwo tuli ha “matangwa a kusula.” (2 Timoteu 3:1) Tutalenu yize Mbimbiliya yambile hakutwala ku matangwa a kusula.
Tanga Mateu 24:6, 7, mba nushimutwine chihula chino:
-
Yuma yika Mbimbiliya yambile ngwo te muyilingiwa ha matangwa a kusula?
Tanga 2 Timoteu 3:1-5, mba nushimutwine yihula yino:
-
Yika Mbimbiliya yaliangile kwamba hakutwala ku yitanga ya atu ha matangwa a kusula?
-
Yitanga yika wakumona kuli atu musono?
ATU AMWE KAKWAMBA NGWO: “Mbimbiliya yili mukanda wa sango ja kulumba.”
-
Mba yena yika yakukukwasa kupwa ni shindakenyo ngwe, Mbimbiliya yili ni sango jamwenemwene?
YIZE WALILONGESA
Sango, ciência ni uprofeto yinasolola ngwo mutuhasa kufuliela mu Mbimbiliya.
Kuhitulula
-
Shina sango jize twakuwana mu Mbimbiliya jili lume jamwenemwene?
-
Yilweza yika yinasolola ngwo, ciência yinalite ni Mbimbiliya?
-
Shina wakutayiza ngwe Mbimbiliya muyihasa kutulweza yuma ya kulutwe lia matangwa? Mumu liaka wamba chocho?
HENGWOLA NAWA
Shina mu Mbimbiliya muli tupalia hakutwala ku yuma ya ciência?
“Shina Mbimbiliya yinalite ni Ciência?” (Lusango wa ha internet)
Yuma yika yakusolola ngwo tuli ha “matangwa a kusula”?
“Uprofeto 6 wa mu Mbimbiliya Uze Unamanunuka Musono” (Kaposhi wa Kutalila 1 wa Maio, 2011)
Tala chize uprofeto wa Mbimbiliya hakutwala ku wata unene wa A-Ngregu wamanunukine.
Tala chize uprofeto wa mu Mbimbiliya wakwashile umwe lunga kupwa ni nyonga lialita.
“Kuli Yami, Zambi Te Katwamineko” (Kaposhi wa Kutalila No. 5 2017)
