Tulieswe twakuzanga kupwa ni masepa waze akwete mbunge yipema. Yehova neye kakushimbwila hanga masepa jenyi apwe ni mbunge yipema. Alioze chino hi chashi ko mu chifuchi chino cha too ni atu waze katwamine ni mbunge yipema. Yika mutuhasa kuyuka nyi twapwa ni mbunge yipema ha yuma yeswe?

1. Mumu liaka twatamba kwenda kanawa mu yuma yeswe?

Nyi twapwa ni mbunge yipema hali akwetu, mutusolola kuli Yehova ngwetu, twakumuzanga ni kumuvumbika. Achinyonga ha chino: Yehova kananyingika yuma yeswe yize twakunyonga ni yize twakulinga. (A-Hepreu 4:13) Iye kakuwahilila chinji muze twakusakula kupwa ni mbunge yipema. Liji lienyi linambe ngwo: “Mukwa kupiya kapwa chizelwokeso kuli Yehova, alioze kakulikata ni mukwa ululi.”—Yishima 3:32.

2. Majila aka waze mutuhasa kusolwelamo mbunge yipema hita tangwa?

Yehova kakuzanga hanga eswe ‘tuhanjike umwenemwene umwe kuli mukwo.’ (Zekaria 8:16, 17) Yika chino chinalumbunuka? Muze tunahanjika ni asoko jetu, waze twakalakala no, mandumbu jetu, hanji ni waze akumanyinako manguvulu, kutwatambile kuhanjika mahuza. Atu waze akwete mbunge yipema, keshi kwiya yuma ya akwo hanji kwoonga. (Tanga Yishima 24:28 ni A-Efwesu 4:28.) Chikwo nawa, atu waze akwete mbunge yipema kakufweta lijimu. (A-Roma 13:5-7) Mu yuma ngwe ayi ni yikwo nawa, “tunazange kwenda kanawa ha kutwala ku yuma yeswe.”—A-Hepreu 13:18.

3. Yika mutuhasa kuyuka ha kupwa ni mbunge yipema?

Nyi akwetu matunyingika ngwo tukwete mbunge yipema, matujikijila. Twakukwasa hanga yuma mu usoko wetu ni mu chikungulwila yende kanawa. Twakuwahilila ha kupwa ni mbunge yitoma. Mbunge yetu yipema muyihasa nawa ‘kuwahisa longeso lia Zambi’ yetu ni kukwasa atu akwo hanga eze mu uwayilo wamwenemwene.—Titu 2:10.

 NYINGIKA NAWA

5. Enda kanawa mu yuma yeswe mashimbu eswe

 6. Mbunge yipema yakutuyukisa

Ku uputukilo, kupwa ni mbunge yipema muchihasa kutukokela lamba. Alioze ha kupalika cha mashimbu, mutuhasa kuzuka yiwape yinji. Tanga Samu 34:12-16, mba nushimutwine chihula chino:

• Kuchi mbunge yipema yakutukwasa kupwa ni mwono upema?

1. Pwo ni lunga waze akuhanjika umwenemwene kuli umwe ni mukwo, kakukolesa ulo wo

2. Akwa-milimo waze akuhanjika umwenemwene, kakwajikijila kuli enya-mulimo

3. Atu waze akuhanjika umwenemwene kakwajikijila kuli nguvulu

 YIZE WALILONGESA

Yehova kanazange hanga masepa jenyi apwe ni mbunge yipema ha yuma yeswe yize mahanjika ni yize malinga.

Kuhitulula

• Yuma yimwe yika yakusolola ngwo tukwete mbunge yipema?

• Mumu liaka chili uhepuke kunyonga ngwo, muhasa kusweka umwenemwene?

• Mumu liaka unazange kupwa ni mbunge yipema mashimbu eswe?