LONGESO 55
Kwasa Chikungulwila Chenu
Hashi heswe, tununu a tununu twa atu kakuwayila Yehova mu yikungulwila. O kakuwahilila chinji ha fumbo ni usongwelo uze akutambula, kashika chino chakwalingisa hanga akwase chikungulwila mu milali yalisa. Shina ni yena che wakwivwa mu chikungulwila chenu?
1. Mu majila aka muhasa kuzachisa mashimbu ni tachi je hanga ukwase chikungulwila chenu?
Tulieswe mutuhasa kukwasa mu chikungulwila. Chakutalilaho, shina mu chikungulwila chenu muli tushinakaji hanji waze anayiji? Muhasa kwakwasa hanga aye ku kukunguluka. Muhasa kwakwasa kulanda kulia hanji yuma yikwo yize anafupiwa ngwe kwaluliekela zuwo lio. (Tanga Tiangu 1:27.) Mutuhasa nawa kulihana hanga tukombe-kombe ku Zuwo lietu lia Wanangana. Keshi kutushinjila kulinga yuma yacho. Zango lietu hali Zambi ni hali mandumbu liakutukwasa ‘kulihana mulambu [yetwene].’—Samu 110:3.
Yela ja Yehova waze ali akupapachisa mahasa kukwasa chikungulwila mu milali yikwo. Mandumbu waze ajama ku ufulielo mahasa kupwa tuvumbi, mba ha kupalika cha mashimbu mapwa makulwana mu chikungulwila. Mandumbu a malunga ni a mapwo mahasa kulihana chinji mu mulimo wa kwambujola ha kukalakala ngwe pionelu. Yela ja Yehova amwe mahasa kukwasa mulimo wa kutunga mazuwo ja Wanangana hanji kwalukila kuze kunafupiwa chinji ukwaso.
2. Kuchi mutuhasa kuzachisa upite wetu hanga tukwase chikungulwila?
Mutuhasa ‘kulemesa Yehova ni yikumba [yetu].’ (Yishima 3:9) Twakuwahilila chinji ha kuzachisa yikumba yetu hanga tukwase chikungulwila chetu hanji mulimo wa kwambujola uze analingi hashi heswe. (Tanga 2 A-Korindu 9:7.) Milambu yetu yakukwasa nawa mandumbu kuze kwalingiwa umwe luyinda. Atu anji kakuzanga ‘kutumbika’ yimwe kutenga hanga akahane ngwe mulambu. (Tanga 1 A-Korindu 16:2.) Mutuhasa kusa mulambu mu mushete wa milambu uze watwama mu Zuwo lietu lia Wanangana hanji kuya ha donate.pr418.com. Yehova kakutwaha uhashi wa kusolola zango lietu hali iye ha chize twakuzachisa yikumba yetu.
NYINGIKA NAWA
Tala majila amwe waze muhasa kukwashilamo chikungulwila.
3. Mutuhasa kuzachisa yikumba yetu
Yehova ni Yesu kakuzanga yoze wakuhana ni uwahililo. Chakutalilaho, Yesu kachichimiekene tuliwa yoze wasele tachi hanga ahane mulambu. Tanga Luka 21:1-4, mba nushimutwine yihula yino:
-
Shina twatamba kulambula mbongo jinji mba tuvwise Yehova kuwaha?
-
Kuchi Yehova ni Yesu akwivwa ha milambu yize twakuhana ni mbunge yeswe?
Nyi unazange kunyingika chize akuzachisa milambu yetu, tala CHINEMA, mba nushimutwine chihula chino.
-
Kuchi akuzachisa milambu hanga akwase yikungulwila ya hashi heswe?
4. Mutuhasa kulihana hanga tukwase
Ku mashimbu a kunyima, tuvumbi twa Yehova kapwile ni kulihana hanga akwase kululieka yihela yo ya uwayilo. Chino te kuchishi kulumbunuka wika kulambula mbongo. Tanga 2 Sango ja Mianangana 34:9-11, mba nushimutwine chihula chino:
-
Kuchi A-Izalele eswe akwashile kululieka zuwo lia Yehova, hanji ngwetu chihela cha uwayilo?
Nyi unazange kunyingika chize Yela ja Yehova akukaula chilweza chino, tala CHINEMA, mba nushimutwine yihula yino.
-
Mumu liaka chili chilemu kupemesa Zuwo lietu lia Wanangana?
-
Mba kuchi ena muhasa kukwasa?
5. Mandumbu a malunga mahasa kupwa ni yiteli mu chikungulwila
Mbimbiliya yakukolweza malunga akwa-Kristu hanga alihane chinji ni kukwasa chikungulwila. Nyi unafupu kumona chimwe chilweza, tala CHINEMA, mba nushimutwine chihula chinahateho.
-
Kulita ni chinema, kuchi Ryan ahasa kukwasa mu chikungulwila?
Mbimbiliya yakulumbununa yize mandumbu atamba kulinga mba aatongole ngwe tuvumbi hanji makulwana mu chikungulwila. Tanga 1 Timoteu 3:1-13, mba nushimutwine yihula yino:
ATU AMWE KAKULIHULA NGWO: “Kuliko Yela ja Yehova akuwana mbongo hanga alinge mulimo wo?”
-
Kuchi muhasa kukumbulula?
YIZE WALILONGESA
Yehova kakuwahilila chinji ha tachi jize twakusa hanga tukwase chikungulwila ha kuzachisa mashimbu, tachi ni yikumba yetu.
Kuhitulula
-
Kuchi mutuhasa kuzachisa mashimbu ni tachi jetu hanga tukwase chikungulwila?
-
Kuchi mutuhasa kuzachisa yikumba yetu hanga tukwase chikungulwila?
-
Mu jila yika unazange kukwashilamo chikungulwila?
HENGWOLA NAWA
Nyingika mumu liaka Zambi keshi kwita nawa chihanda cha kumi kuli tuvumbi twenyi musono.
“Yika Mbimbiliya Yakwamba Hakutwala ku Chihanda cha Kumi?” (Lusango wa ha internet)
Nyingika yize yinalumbunuka “kwolola kwoko”.
“Shina Unafupa Kupwa ni Yiteli mu Chikungulwila?” (Kaposhi wa Kutalila 15 wa Setembro, 2014)
Nyingika Yela ja Yehova waze akuhamuka ni kusa tachi jinji hanga atwalile mandumbu jo mikanda.
Kulisa ni mayingeleja akwo, nyingika chize mulimo wetu akuukwasa.
“Kuchi Mulimo wa Yela ja Yehova Akuukwasa?” (Lusango wa ha internet)
