Chize muhasa kuyuka ha malongeso a Mbimbiliya
Ha lifwo lino, mumona yize mulilongesa ha mukanda uno. Muze mutanga chihanda chino, Tala CHINEMA.
CHIHANDA CHITANGU
Tanga hita paragrafu, hamwe ni yihula yize yili ni ulombo walisa (A) tanga nawa yisoneko yize yinasoloka ngwo “tanga” (B) chikwo nawa, tanga yisoneko yize yinashindakenya yikuma yilemu.
CHIHANDA CHA MUKACHI
Mushi lia chikuma Nyingika Nawa muwanamo maliji waze anakukulula longeso lieswe (C) mitwe yikehe-yikehe yinashindakenya (D) yikuma yilemu ya longeso. Tanga yisoneko ya mu Mbimbiliya, kumbulula yihula ni kutala yinema hamwe ni longeshi we.
Ha hita longeso, muwanaho kamwe kamushete kali ni CHINEMA chize chinalumbununa nawa yikuma yikwo. Yinema yimwe yinasolola sango ja yuma yize yalingiwile. Alioze, yikwo yili yimweso kulita ni yuma yize yakulingiwa tangwa ha tangwa.
Shindakenya ha yizulie ni ha maliji a yizulie yacho (E), ni kunyonga ha chize muhasa kukumbulula ha chikuma Atu Amwe Kakwamba Ngwo (F).
CHIHANDA CHA KASULA
Ku songo lia longeso, muwanako chikuma chakwamba ngwo, Yize Walilongesa ni Kuhitulula (G) Soneka tangwa lize wahwisa longeso. Chikuma chakwamba ngwo, Yize mulinga (H) muchikukwasa kumona yize watamba kulinga mba uhase kukaula yize walilongesa. Ha chikuma Hengwola Nawa (I) muwanaho sango jikwo jize mujikukwasa kunyingika yuma yikwo hakutwala ku chikuma chize walilongesa.
Chize muhasa kuwana yisoneko mu Mbimbiliya
Mbimbiliya yikwete tumikanda tukehe-tukehe 66. Yili yakuteta mu yihanda yaali: Yisoneko ya A-Hepreu-Aramaiku (“Usendo Ukulu”) ni Yisoneko ya A-Ngregu ya Akwa-Kristu (“Usendo Waha”).
Muze munuzanga kutanga chisoneko cha Mbimbiliya ha longeso lienu, chuma chize chakusoloka chitangu, jina lia mukanda (A), mba mukwiza kapitulu (B), kusulaho versu (C).
Tala Yoano 17:3. Chakutalilaho, Yoano we mukanda, 17 mwe kapituku, 3 ye versu.
