Achinyonga ha chino: Marku muze anahehe ni masepa jenyi, makonga ndundu ha kapenda wa zuwo lia mbala.

Nyi yena uli Marku, yika te mulinga?

ULI NI JILA JITATU:

1. Kuchina.

2. Kuliongela mutu weka.

3. Mulweza mwenya-zuwo yize walinga, ni kukwasa kululieka yize wapalula.

Muhasa kweseka kusakula Jila A. Alioze kuli chitela watamba kutayijila shimbu lieswe uhenge we—chipwe ngwe uli ukehe ngwe kupalula kapenda wambala hanji chuma cheka.

1. Chino che chuma chipema kulinga.

   Mbimbiliya yinambe ngwo: “Tunazange kwenda kanawa ha kutwala ku yuma yeswe.”—A-Hepreu 13:18.

2. Atu kakukonekena chinji waze akutayiza upi wo.

   Mbimbiliya yinambe ngwo: “Mweswe masweka uvulumunyi wenyi kechi kawaha, alioze mweswe maushikisa ni kuumbila mawana keke.”​—Yishima 28:13.

3. Most important, it pleases God.

   Mbimbiliya yinambe ngwo: “Mumu mukwa kupiya [hanji chingulungulu] kapwa chizelwokeso kuli Yehova, alioze kakulikata ni mukwa ululi.”—Yishima 3:32.

Karina, uli ni miaka 20, yaswekela tato mulonga amuhele wakwendesa mashinyi chipi. Alioze iye te kechi kuhasa kuusweka ha miaka yinji. Karina yamba ngwenyi: “Muze kwapalikile mwaka umuwika, tata yafuta mbongo jinji ha mukunda wa mulonga wami. Yino yangunehenene kapinda munji!”

Yika twalilongesa ha chino? Karina yamba ngwenyi: “Kusweka uhenge chakwokesa wika milonga. Nihindu kulutwe lia matangwa mukafweta!!”

Mbimbiliya yinambe ngwo: “Yetu eswe twakutalinga mu yuma yinji.” (Tiangu 3:2) Ngwe chize twamona, kutayiza washi-washi uhenge wetu chili chilayi cha ukulwana ni kulikehesa.

Chuma chikwo chili kulilongesa ha kapalia we. Umwe mwana pwo avuluka ngwo Vera yamba ngwenyi: “Nakulilongesa chinji ha hita kapalia nakulinga, ni kusa tachi hanga nguhone kumufunyina cheka. yino yakungukwasa kupwa mutu mupema ni kunyingika chize mungukumba kapalia mukwo. Tutalenu chize mutuhasa kulinga chino.

Nyi watambula kinga ya tatenu, mba wayishiha. Yika watamba kulinga?

• Kuuchi kwamba nichimwe ni kunyonga ngwe tatenu kechi kunyingika.

• Mulweza tatenu yize yalingiwa ku kinga.

• Mulweza tatenu yize yalingiwa, alioze muliongela mutu weka.

Wahona yeseko ku shikola mumu kuwakalilongesele kanawa. Yika watamba kulinga nawa?

• Muliongela cheseko.

• Mutayiza ngwe yena mwene wahona kupalika yeseko yacho.

• Mwamba ngwe longeshi keshi kunguzanga.

 Now look back at the preceding scenarios, and try to imagine that you are (1) your dad and (2) your teacher. What would your dad and your teacher think of you if you readily admitted your mistakes? What would they think of you if you covered up your mistakes?

Haliapwila nyonga ha uhenge uze walingile ha miaka yinji kunyima nawa kumbulula yihula yino.

Upi uka walingile? Kuchi wakumbile upi wacho

• Nauswekele.

• Naliongelele mutu weka.

• Natayijile kapalia wami.

Nyi waswekele upi we, kuchi wevwile mu mbunge?

• Kuwaha​—Mumu kakangukwachile!

• Yinyengo—Kachi te nahanjikile umwenemwene.

Kuchi te muhasa kukinda upi wacho?

Yika walilongesa ha upi we?

Mumu liaka atu amwe akuchina kutayiza upi wo?

Yika atu mahasa kunyonga nyi mashimbu eswe wakusweka upi we, alioze kuchi manyonga hali yena nyi wakutayiza upi we?—Luka 16:10.