Achinyonga ha chino: Muze masepa jenyi aali a ku shikola anakundama, Brian mevwa woma. Kali keswe ha poso yino, kamushinjilanga kunwa makanya. Chino muchipwa chisuhwo chamuchitatu.

Umwe wa kuli akweze jacho maputuka kuhanjika:

Iye mashindakenya ha liji “sepa” ni kutenya muze anande chuma mu mboloso yenyi ni kuzoza kwoko lienyi hali Brian.

Brian mamona makanya ali ku kwoko lia mukweze. Iye maputuka kuchikima ni woma.

Nyi yena te uli Brian, kuchi te mulinga.”

If you were Brian, how would you respond?

Kutala masepa ja Brian te kali ni ushindakenyo wa yize te analingi? Shina yuma te analingi yinakatuka mu mbunge yo, nyi? Kota ka. Ayo kanakaula wika yitanga ya akwo. Kanazange hanga evwise akwo kuwaha, kashika ayo akwecha akwo hanga alweze yize malinga.

Nyi walitakana ni kapinda wacho, kuchi te muhasa kusakula jila yeka ni kulimika ni yeseko yacho?

1. LIANGA KUNYONGA

   Mbimbiliya yinambe ngwo: “Chikanyame malangikiza ye yipi maswama, alioze yizuzuke masenya kulutwe mba maalamba.”—Yishima 22:3.

   Kanji-kanji, upi kakulianga kuumona. Achinyonga ngwe, wamona chizavu cha akwenu a shikola ye kulutwe kali ni kunwa makanya. Nyi wanyonga ha yize muyihasa kulingiwa, munyingika chize mulinga.

2. NYONGA

   Mbimbiliya yinambe ngwo: “Pwenu ni mbunge yipema.”—1 Petulu 3:16.

   Lihule ngwe, ‘Kuchi mungwivwa ha kupalika cha matangwa nyi mungununga ni kukaula mbunga’? Muhasa kuliwula ha mashimbu akehe muze akwenu makwehuka. Alioze kulutwe lia matangwa kuchi muwivwa ku mbunge? Unazange kutokesa yitanga ye yipema hanga uvwise akwenu a ku shikola kuwaha?—Kutuhuka 23:2.

3. SAKULA YIZE MULINGA

   Mbimbiliya yinambe ngwo: “Mukwa mana kakwivwa woma.”​—Yishima 14:16.

   Ku mwono wetu twakusakula yize mutulinga ni kupwa ni fweto yize muyizaho. Mbimbiliya yinahanjika hakutwala kuli Yosefwe, Yombi, Yesu waze asakwile yuma yipema. Nawa yinahanjika hakutwala kuli Kene, Esau, Yundase, waze asakwile yuma yipi. Yika watamba kulinga?

Mbimbiliya yinambe ngwo: “Fuliela Yehova ulinge yipema.” (Samu 37:3) Nyi hiwanyonga ha fweto ni kunyingika kanawa mbunge ye, ni kumana ngu, muhasa kukomoka—ni kuwahilila.

Kanda ulipikala—kuwatambile kulumbunwina akwenu yuma yeswe. Nyi wamba wika ngwe KA, kwahwa. Alioze nyi muzanga kwaholesa, muhasa kwamba ngwe:

• “Kanda nungusamo!”

• “Ami chishi kulinga yino yuma!”

• “Nunanyingika ngwe yami chishi kulinga yuma ai!”

Chili chipema kukumbulula hazehene ni hamu lieswe. Nyi wachilinga, mukomoka ha kumona chize akweze jacho malichinyina ene!

Yika mulinga nyi akwenu kanakukekuna? Yika mulinga nyi makwihia ngwo, “Ena chihepuke—yika unalingi?” Nyi makwamba awa maliji, che kwamba kanakusosomba. Kuchi muhasa kukumbulula? Uli ni yuma yaali yize muhasa kulinga.

• Muhasa kukokolola luchoko wacho ha kwamba ngwe: (“Wamba kanawa, nguli chihepuke!” Mba mulumbununa hakehe nyonga lie.)

• Muhasa kukinda luchoko wacho. Chitangu, lumbununa yize unalitunyina, ni kwalweza ngwe: (“Te kuchanyingikine ngwami ni yenu nwakunwa makanya!”)

Nyi akwenu maputuka kukwihia, katukaho! Iwuluka ngwe, nyi washimbula chinji ayo manunga ni kukusosomba. Nyi wakatukaho, musolola ngwe kuwazangile hanga upwe ngwe ayo.

Kwamba umwenemwene, muopwa ni kuliwana ni akwa-kusosomba. Alioze, muhasa kusakula yize muzanga kulinga. Kashika, mana ngu, nawa lifunge. Mumu kusongo, yena watamba kusakula!—Yoshua 24:15.