Anita muze amukwachile kuli chilianyi, yamulimbula hashi hanga ahone kunyingika yize anamulingi. Iye yamba ngwenyi: “Nesekele kusa tachi hanga ngutusuke, ni kuteta chinji, alioze chakahashile. Yingumushinjika, kumuliata, ni kumupupula makome ni kumuzuwa yaala. Mba yingwivwa kanangutuwa poko. Hazehene yingulezumuka.”

Nyi yena mwe wapwile mu kapinda wacho, kachi kuchi walingile?

Chipwe ngwe muhasa kulilulieka hanga ukanyame muze unende ha ufuku, alioze yuma yipi muyihasa kulingiwa. Mbimbiliya yinambe ngwo: “Mukwa tambu keshi kukumba mu yizombwoka; mukwa yinyingi keshi kuzuka upite; alioze chakuawana nikulita ni tangwa liacho; chakupwa chipwila.”​—Chilumbununyi 9:11.

Akweze amwe ngwe Anita, kakwapika kuli atu waze kanyingikine. Akwo kakwapika kuli enyembo hanji asoko jo.Natalia muze te uchili wika ni miaka 10, yamupika kuli umwe mukweze wa ha mukala wo. ­Iye yamba ngwenyi, “Napwile ni kwivwa chinji woma ni sonyi, mba chahashile kulweza ni umwe.

Anita ni haliapwila machiliaha mwene mulonga ha yize yalingiwile. Iye yamba ngwenyi: “Nguchili ni kunyonga chinji ha yize yalingiwile ha ufuku wacho. Nakwivwa ngwe kachi nalikolwezele chinji kulilamba nenyi. Alioze, muze angutuwile poko, yingwivwa mwongo. Chakahashile nawa kulinga nichimwe, nihindu nakunyonga ngwami kachi nalingile chimwe chuma.”

Ni Natalia neye kakupinda ni yinyengo yinji ha yize yalingiwile. Iye yamba ngwenyi: “Kachi te chakendele ukawami. Yisemi jami kasele shimbi ngwo mwana kwetu ni yami twatamba kupwa hamuwika muze mutuya haze ni kuheha, alioze yingulengulula. Kashika nakwivwa ngwami yami nahanyine uhashi kuli mwenyembo wetu mba anguvulumune. Yuma yalingiwile yanehene yinyengo yinji mu usoko wami, mba nakwivwa ngwami yami nanehene lamba lieswe ali. Nakupinda ni manyonga wano mashimbu eswe.”

Nyi ni yena wakwivwa ngwe chize Anita ni Natalia akwivwa, nyingika ngwe mutu yoze mamukwata ni kulinga nenyi utanji, hi kuzanga cha iye mwene ko. Atu amwe kakulelesa mulonga wacho, ni kwamba ngwo hi chipiko kuli akweze kulinga yino yuma hanji ngwo mutu makwata kalikokelanga mwene mulonga wacho. Alioze, niumwe wakuzanga hanga amukwate alinge nenyi utanji wakwihi. Nyi ni yena che akulingile, mulonga hi wa yena ko!

Chochene, chili chashi kutanga ngwo, “ena kushi mulonga” alioze chakupwa chikalu kutayiza maliji jacho. Amwe kakunyonga chinji ha yize yalingiwile ni kulinyenga ha yuma yacho. Alioze iya watamba kunyenganyana chinji​—yena nyi chilianyi wacho? Watamba nawa kunyingika jila yikwo.

Mbimbiliya yinatulweze ngwo muze Yombi, lunga mungunu, te anapinji ni yipikalo yinji, yamba ngwenyi: “Munguhanjika usasu wa mbunge yami.” (Yombi 10:⁠1) Muhasa kuyuka nyi ni yena wachilinga. Kuhanjika ni mutu yoze wakujikijila mahasa kukukwasa ha yize yinakalingiwa ni kukukwasa hanga uhwime mbunge uhone kupinda ni manyonga api.

Yino ye yakwashile Anita. Yamba ngwenyi: “Nahanjikile ni umwe sepa, mba yangwamba hanga nguhanjike ni tulayi a mu chikungulwila chami. Yinguwahilila ha kuhanjika no. Yituhanjika ha yisuho yinji ni kungulweza maliji apema ngwo yuma yize yalingiwile mulonga wakapwile wa yami.”

Natalia kahanjikile ni yisemi jenyi hakutwala ku chize amukwachile ni kulinga nenyi utanji. Iye yamba ngwenyi: “Ayo kangukwashile, ni kungutakamisa hanga ngwalweze yuma yacho. Achi changukwashile nguhone kupwa ni yinyengo mu mbunge.”

Natalia nawa kawanyine utakamiso ha kulemba. Iye yamba ngwenyi: “Kuhanjika ni Zambi changukwashile chinji, chipi-chipi ha mashimbu waze te chazangile kuhanjika ni mutu mweswawo. Muze mungulemba, munguhasa kuhanjika kanawa. Chino chakungukwasa kupwa ni sambukila ni ukulungunga mu mbunge.”

Ni yena muhasa kunyingika ngwe, kuli mashimbu a “kuwuka.” (Chilumbununyi 3:3) Lifunge yena mwene ni kufunga manyonga je. Pwako ni shimbu hanga uhwime kanawa. Kuhiana ha yeswe, jikijila kuli Zambi ya kulembejeka cheswe, Yehova.​—2 A-Korindu 1:3, 4.

Nyi uli kanuke wa pwo, mba kanakushinjila hanga ulinge yuma yimwe yaluchisa, hi chipiko kwamba pundu ngwe, “Chisolo!” hanji ngwe “Chiza kwoko lie hali yami!” Kanda wivwa woma ngwe kasendo ke makwecha. Nyi iye makwecha ha mukunda wa chikuma chino, kanda ulipikala! Ena watela lunga mungunu, yoze masa vumbi ha mujimba we, ni ha ndako je jipema.

“Muze te nguchili ku shikola, akweze te kakungukoka-koka ku muya wa sutia yami, ni kungwamba maliji ngwe awa ngwo, kachi mungwivwa kuwaha chinji nyi nalinga no utanji.​—Coretta.

Kunyonga lie shina akweze jacho kapwile ni

1. Kumwihia?

2. Kumutenya?

3. Kumushinjila kulinga utanji?

“Mu kalela, umwe mukweze yaputuka kwamba yuma ya sonyi kuli yami ni kungukwata-kwata. Yingumulamba ku kwoko lienyi ni kumuhuma akatuke. Yakatuka ni kungutala ngwe nguli chizaluke.”​—Cândida.

Kuchi wanyonga ha yize mukweze wacho apwile ni kulinga kuli Cândida?

1. Kanamwihi?

2. Kanamutenya?

3. Kanamushinjila kulinga utanji?

“Mu kalela, umwe mukweze yaputuka kwamba yuma ya sonyi kuli yami ni kungukwata-kwata. Yingumulamba ku kwoko lienyi ni kumuhuma akatuke. Yakatuka ni kungutala ngwe nguli chizaluke.”​—Cândida.

Kuchi?

1. Kanamwihi?

2. Kanamutenya?

3. Kanamushinjila kulinga utanji?

Kumbululo lialita ha yihula yeswe ai yitatu lili ha C.

Kulisa chika chili ha kushinjila kulinga utanji ni kutenya hanji kwihia?

Kushinjila utanji chinatondekeza hali mutu mwene. Chakununga chipwe mutu yoze anashinjila kazangile.

Kushinjila utanji chili ni tachi. Muchihasa kutwala kupika mutu ni kulinga nenyi utanji.