Yilweza ya mu Mbimbiliya yize muyihasa kutukwasa:

• Lu 20:37, 38—Yesu kambile ngwenyi uhindukilo uli wamwenemwene, mumu kuli Yehova waze hanafu kali ngwe achili ni mwono

• Yo 11:5, 6, 11-14—Muze sepa lia Yesu Lazaru afwile, Yesu yatesa kufwa chenyi ni tulo

• Hep 2:14, 15—Postolo Paulu kambile ngwenyi atu anji kakupwa ni woma wa kufwa, alioze yetu kutwatambile kwivwa woma wacho

Yilweza ya mu Mbimbiliya yize muyihasa kutukwasa:

• Mbimbiliya yakuhanjika hakutwala ku uhindukilo wa atu nake waze ahindwishile atwame hano hashi ni uhindukilo wa Yesu Kristu yoze uli mu malilu. Hita lusango kakutakamisa ni kuhana kutalatala kuli waze anamono lamba mumu lia kufwisa atu waze azanga

  • 1Mi 17:17-24—Profeta Eliya kahindwishile mwana wa umwe tuliwa wa ku Zarafata mu mbonge ya Sendone

  • 2Mi 4:32-37—Profeta Elisha kahindwishile umwe kanuke wa lunga mu mbonge ya Shuneme ni kumuhilwisa kuli yisemi jenyi

  •  2Mi 13:20, 21—Mujimba wa umwe lunga yoze wafwile waholokele ha yifwaha ya profeta Elisha, chocho lunga wacho yapwa cheka ni mwono

  • Lu 7:11-15—Muze amwene mbunga mu mbonge ya Naine kanayi ni kufunda mwana wa umwe tuliwa, Yesu yevwa keke chocho yamuhindwisa

  • Lu 8:41, 42, 49-56—Yesu kahindwishile mwana wa Yaru kasongo wa mu sunangonga

  • Yo 11:38-44—Yesu kahindwishile sepa lienyi Lazaru, chocho mandumbu jenyi Maria ni Marta yawahilila

  • Yi 9:36-42—Postolo Petulu kahindwishile Tavwita, umwe Mukwa-Kristu yoze te akuzanga chinji mumu lia yitanga yenyi yipema

  • Yi 20:7-12—Postolo Paulu kahindwishile mukweze umwe avuluka ngwo Utecho yoze waholokele ha kapenda

• Yehova kahindwishile Yesu hanga apwe ni mwono uze kuushi kufwa mu malilu, chino chakutwaha shindakenyo ngwetu, yilakenyo yeswe ya Zambi ya kulutwe lia matangwa muyikamanunuka

  • Yi 17:31; 1Pe 3:18

• Yesu kali mutu mutangu yoze aliangile kuhindwisa hanga apwe ni mwono uze kuushi kufwa mu malilu, alioze hi wika ko iye, ni Akwa-Kristu akuwayisa 144,000 no kali ni kutalatala chacho

  • 1Ko 15:20, 23, 51-53; 1Te 4:16, 17; Uso 14:1