Kulinunga cha Mayingeleja
Shina atu eswe waze akuya mu mayingeleja kakuwayila Zambi umuwika?
Shi 32:16, 17; 1Mi 11:33; 1Ko 8:5, 6; 10:20
Shina Mbimbiliya yakulongesa ngwo Yehova kakutayiza mayingeleja eswe chipwe ngwe kakulongesa yikuma yalisa?
Mat 7:13, 14; Yo 17:3; Efw 4:4-6
-
Yilweza ya mu Mbimbiliya yize muyihasa kutukwasa:
-
Yos 24:15—Yoshua kambile ngwenyi twatamba kusakula nyi mutuwayila Yehova hanji tuzambi a mahuza
-
1Mi 18:19-40—Yehova kazachishile profeta Eliya hanga asolole ngwo waze akuwayila Zambi wamwenemwene, katambile kuwayila tuzambi akwo ngwe, Mbale
-
Kuchi Yehova akumona tuzambi a mahuza ni uwayilo uze o akutambula?
Kut 12:12; Kwa 25:2-5; Shi 12:29-31; Zef 2:11
Kuchi Yehova akumona atu waze akwamba ngwo kakumuwayila, alioze kakulinga yuma yipi?
Iza 1:13-15; 1Ko 10:20-22; 2Ko 6:14, 15, 17
-
Yilweza ya mu Mbimbiliya yize muyihasa kutukwasa:
-
Kut 32:1-10—Yehova kevwile kupiha chinji muze Arone alingile umwe kaponya wa mwana-ngombe hanga amuwayile, chipwe ngwe atu kambile ngwo mamuzachisa ha “chiwanyino cha Yehova”
-
1Mi 12:26-30—Mwanangana Jeroboame kakazangile hanga atu aye mu tembele ku Yerusaleme, kashika alingile tuponya hanga amanyineko Yehova, chino chatwalile atu kuvulumuna
-
Yika Yehova alwezele A-Izalele hakutwala ku kulichinga ni atu waze akuwayila tuzambi akwo?
Kut 23:31-33; Shi 7:1-4
Yika Yehova alingile muze atu jenyi aputukile kuwayila tuzambi eka?
Kuy 10:6, 7; Sam 106:35-40; Jer 44:2, 3
-
Yilweza ya mu Mbimbiliya yize muyihasa kutukwasa:
-
1Mi 11:1-9—Ha mukunda wa kumbata mapwo yilambala, Mwanangana Solomone yatuka Yehova ha kuwayila tuzambi a mahuza ni kutwala atu alinge shili yize iye alingile
-
Sam 78:40, 41, 55-62—Asafwe kalumbunwine chize kukombelela mahamba ni uhulia wa A-Izalele yevwishile Yehova kupiha, kashika Iye alitunyine atu jacho
-
Shina Yesu kapwile ni kutayiza malongeso a mayingeleja waze te keshi kulita ni Liji lia Zambi?
-
Yilweza ya mu Mbimbiliya yize muyihasa kutukwasa:
-
Mat 16:6, 12—Yesu katesele malongeso ja A-Fwariseu ni A-Satuseu ni futunwiso, mumu malongeso a mahuza kakulimwanga kawashi-washi ni kupihisa umwenemwene wa mu Liji lia Zambi
-
Mat 23:5-7, 23-33—Yesu kahishile yitanga ya ulembekese ni malongeso a mahuza ya A-Fwariseu ni ya alongeshi a shimbi
-
Mar 7:5-9—Yesu kahishile alongeshi a shimbi ni A-Fwariseu mumu ayo kapwile ni kulemesa manyonga ja atu kuhiana Liji lia Zambi
-
Shina Yesu kazangile hanga tumbaji twenyi alihandunune mu mayingeleja alisa?
-
Yilweza ya mu Mbimbiliya yize muyihasa kutukwasa:
-
Yo 15:4, 5—Yesu kazachishile chilweza cha mutondo wa mukuyu hanga alumbunune kulinunga chize tumbaji twenyi te atamba kupwa nacho ni iye, hamwe ni Akwa-Kristu akwo nawa
-
Yo 17:1, 6, 11, 20-23—Ha ufuku wa kasula muze te kanda achifwa, Yesu kalembele hanga tumbaji twenyi amwenemwene apwe alinunga
-
Shina Akwa-Kristu atangu kapwile ni kuwayila Yehova mu jila yimuwika ni kufuliela ha yuma yimuwika?
-
Yilweza ya mu Mbimbiliya yize muyihasa kutukwasa:
-
Yi 11:20-23, 25, 26—Yikungulwila ya ku Andiakia ni ya ku Yerusaleme yapwile yalinunga ni kukalakala hamuwika
-
Ro 15:25, 26; 2Ko 8:1-7—Mu yikungulwila ya ku sekulu yitangu, Akwa-Kristu kapwile ni kulisolwela zango umwe ni mukwo ha kulikwasa ha mashimbu akalu. Chino te chakusolola kulinunga cho
-
Shina Zambi kakutayiza mayingeleja eswe waze akwamba ngwo kakufuliela muli Kristu?
Nyi uwayilo umwe kuushi kukaula malongeso ja Yesu ni apostolo, shina Zambi kakutayiza uwayilo wacho?
-
Yilweza ya mu Mbimbiliya yize muyihasa kutukwasa:
-
Mat 13:24-30, 36-43—Yesu katele chishima chino hanga atulongese ngwenyi, chizechene ngwe mwambu wakusoka ni kwoka mu munda weswe, ni mu chikungulwila te mumukapwa Akwa-Kristu anji a mahuza
-
1Yo 2:18, 19—Postolo Yoano kambile ngwenyi, akwa-kulimika ni Kristu anji kasolokele ku songo lia sekulu yitangu
-
Yika yakulingiwa nyi yitanga yipi ni malongeso a mahuza maatayiza mu chikungulwila?
Yika Akwa-Kristu atamba kulinga hanga apwe alinunga?
Mumu liaka Akwa-Kristu katambile kulinjisa mu uwayilo wa mahuza?
Mumu liaka chili chipema kusolola yize mayingeleja a mahuza akulongesa?
Jer 14:14; 23:13, 14, 16; Mat 15:12-14; 23:13-26
Mumu liaka kutwatambile kukomoka muze akwa-uwayilo wa mahuza matuhungumiona ni kutulinga yuma yipi?