Yilweza ya mu Mbimbiliya yize muyihasa kutukwasa:

• Chi 12:​1-8​—Ha mwaso wenyi, Mwanangana Solomone kasonekene yimwe yipikalo yize yakwiza mumu liaka ushinakaji, ngwe kutokesa uhashi wa kumona kanawa, (‘akwa-kutala ku kapenda mamona milima’) ni kutokesa uhashi wa kwivwa kanawa (“ana-mapwo eswe a miaso hanakehuluka”)

 Yilweza ya mu Mbimbiliya yize muyihasa kutukwasa:

• 1Sa 12:​2, 23​—Profeta Samuele chipwe ngwe kapwile kashinakaji, nihindu kanyingikine ulemu wa kununga ni kulembela atu ja Yehova

• 2Sa 19:​31-39​—Mwanangana Ndawichi kanakasakwilila chinji ha ukwaso uze kashinakaji Bazilai amuhele, alioze muze azangile kumwaha milimo yikwo, Bazilai yalikehesa ni kumulweza ngwenyi te kechi kuhasa kumulingila ku Yerusaleme

• Sam 71:​9, 18​—Mwanangana Ndawichi kevwile woma wa kuhona kulingila kanawa Yehova mumu lia miaka yenyi, kashika alembele ni kwita tachi hanga ahase ku­longesa yisemuko yikwo hakutwala kuli Yehova

• Lu 2:​36-38​—Profeta wa pwo, tuliwa Ana, kamuwahishile mumu lia kulihana ni kushishika chenyi mu milimo ya Yehova

Yilweza ya mu Mbimbiliya yize muyihasa kutukwasa:

• Upu 12:​1-4​—Muze apwile ni miaka 75, Apalahama katambwile chiteli chize chalumwine mwono wenyi

• Da 10:​11, 19; 12:13​—Umwe mungelo kamenekene profeta Daniele muze apwile ni miaka 90, ni kumulweza ngwenyi iye kali mulemu chinji kuli Yehova, chikwo nawa ngwenyi, te mamuwahisa chinji mumu lia ushishiko wenyi

• Lu 1:​5-13​—Yehova kalingile chimwe chikomokeso ni kuwahisa tushinakaji Zekaria ni Izabele ha kwaha mwano Yoano

• Lu 2:​25-35​—Yehova kahanyine kuli ka­shinakaji Simeone chiwape cha kumona ­kanuke yoze te mapwa Mesaya, chocho Simeone yaprofeteza hakutwala kuli ­kanuke wacho

• Yi 7:​23, 30-36​—Profeta Mose kapwile ni miaka 80 muze Yehova amuhele chiteli cha kusongwela atu Jenyi, A-Izalele

Yilweza ya mu Mbimbiliya yize muyihasa kutukwasa:

• Upu 45:​9-11; 47:12​—Yosefwe katumine kusaka tato Yakomba yoze wapwile kashinakaji ni kumufunga ndo muze afwile

• Ru 1:​14-17; 2:​2, 17, 18, 23​—Rute kakwashile kashinakaji Noemi mu maliji ni mu yitanga

• Yo 19:​26, 27​—Shimbu te kanda achifwa ha mutondo wa lamba, Yesu kechile kuli Yoano hanga afunge naye Maria