Yilweza ya mu Mbimbiliya yize muyihasa kutukwasa:

• Upu 24:1-4, 7—Shimbu eche mwanenyi ambate pwo Ka-Kanana yoze te wakuwayila tuzambi a mahuza, Apalahama yasa tachi hanga mwanenyi alimbate ni pwo yoze te wakuwayila wika Yehova

• Upu 28:1-4—Izake kafumbile mwanenyi Yakomba hanga alimbate ni pwo yoze te wakuwayila Yehova

Yilweza ya mu Mbimbiliya yize muyihasa kutukwasa:

• 1Mi 11:1-6, 9-11—Yehova kevwile uli muze Mwanangana Solomone alengulwile shimbi Jenyi ni kumbata mapwo yilambala, waze kulutwe apiangwile mbunge yenyi

• Neh 13:23-27—Nguvulu Nehemia neye kevwile uli muze A-Izalele ambachile mapwo yilambala waze te keshi kuwayila Yehova, kashika aafumbile

Yilweza ya mu Mbimbiliya yize muyihasa kutukwasa:

• 1Sa 25:2, 3, 14-17—Chipwe ngwe kapwile pichi, nihindu Nabale kapwile lunga mupi, chitenu, kashika kakapwile lunga mupema kuli Abigale

• Yis 21:9—Kusakula chipi yoze mutulimbata nenyi muchihasa kutuchiza sambukila ni uwahililo

• Ro 7:2—Postolo Paulu kalongesele ngwenyi, pwo muze akumumbata, kakupwa mushi lia chiyulo cha mukwo-lunga yoze uli chihenge. Kashika pwo chikanyame kakunyonga kanawa shimbu kanda achisakula yoze malimbata nenyi

Yilweza ya mu Mbimbiliya yize muyihasa kutukwasa:

• Yis 24:27—Shimbu lunga kanda achimbata ni kupwa ni ana, iye katamba kukalakala chinji hanga ahase kufunga usoko

Yilweza ya mu Mbimbiliya yize muyihasa kutukwasa:

• Ru 2:4-7, 10-12—Mboaze kanyingikine kanawa Rute ha kumutala muze te anakalakala, kupanjika yize atu waze te amunyingika kanawa apwile ni kwamba hali iye, ha kumona chize iye te akutwama ni asoko jenyi ni zango lize apwile nalio hali Yehova

• Ru 2:8, 9, 20—Rute kanyingikine Mboaze ha kumona chize apwile ni kusolola upeme wenyi, kupwa chihanyi ni zango lize apwile nalio hali Yehova

Yilweza ya mu Mbimbiliya yize muyihasa kutukwasa:

• Yis 5:18, 19—Yitanga yimwe yakulisolwela zango yili wika ya waze alimbata

• Mwa 1:2; 2:6—Ha mashimbu waze te analinyingika, kafunga ni Ka-Shulame kapwile ni kulisolwela zango, alioze kakalingile yitanga yize te muyatwala ku utanji

• Mwa 4:12; 8:8-10—Ka-Shulame kapwile ni kulinanga ni kulihumikiza, iye kapwile ngwe munda wakuseleka

Yilweza ya mu Mbimbiliya yize muyihasa kutukwasa:

• Upu 21:8-12—Chipwe ngwe Apalahama kakazangile chiyulo cha mukwo-pwo Sara, nihindu Yehova yamulweza hanga amupanjike

• Yis 31:10, 11, 16, 28—Lunga wa mana yoze ukwete pwo mupema, keshi kumwendejela mashimbu eswe, hanji kufupa kapalia hali iye. Shimbu achilinge, iye kakumujikijila ni kumuchichimieka

• Efw 5:33—Maliji ja postolo Paulu kanasolola ngwo, pwo kakufupa mashimbu eswe kwivwa ngwo mukwo-lunga kakumuzanga

Yilweza ya mu Mbimbiliya yize muyihasa kutukwasa:

• Yis 1:8; 1Ko 7:4—Zambi kahanyine kuli mapwo waze hanayi malo ni waze ali ni ana ndambu ya chiyulo mu usoko

• 1Ko 11:3—Postolo Paulu kalongesele ngwenyi yetu eswe twatwama mushi lia chiyulo chimwe, kuchizako wika Zambi Mukwa-Ndundo-Jeswe

• Hep 13:7, 17—Mu chikungulwila, malunga ni mapwo eswe katamba kwononokena ni kuzeyela waze akuyula

 Yilweza ya mu Mbimbiliya yize muyihasa kutukwasa:

• Upu 18:12; 1Pe 3:5, 6—Sara kapwile ni kusolola vumbi linji kuli mukwo-lunga ha kumuvuluka ngwo “mwene,” chipwe mu manyonga

Yilweza ya mu Mbimbiliya yize muyihasa kutukwasa:

• Upu 24:62-67—Rebeka kalembejekele mukwo-lunga Izake muze naye afwile

• 1Sa 25:14-24, 32-38—Abigale kalamwinyine mwono wa lunga lienyi mupi ni akwa-zuwo lienyi eswe, muze alikehesele ni kwita kuli Ndawichi hanga aasolwele keke

• Es 4:6-17; 5:1-8; 7:1-6; 8:3-6 —Mwazovu Estere kasele mwono wenyi mu ponde muze ayile ni kuhanjika ni mukwo-lunga, mwanangana, yisuho yaali chakuhona kumusanyika hanga aliumbe ha mwono wa atu ja Zambi