Yilweza ya mu Mbimbiliya yize muyihasa kutukwasa:

• 2Sg 32:2-8—Mwanangana Hezekia katakamishine atu jenyi muze A-Suria ejile ni kulimika no

• Da 10:2, 8-11, 18, 19—Profeta Daniele kamutakamishine kuli umwe mungelo muze te hapwa kashinakaji

Yilweza ya mu Mbimbiliya yize muyihasa kutukwasa:

• Shi 3:28; 31:7, 8—Yehova katumine profeta Mose hanga atakamise Yoshua

• Yi 11:22-26; 14:22—Ha mashimbu a yihungumiona, postolo Paulu ni Mbarnabe katakamishine mandumbu ku Andiakia

Yilweza ya mu Mbimbiliya yize muyihasa kutukwasa:

• Kuy 11:37-40—Mapwo a mu Izalele kapwile ni kuya ni kumeneka mwana wa Jefeta miaka yeswe hanga amuchichimieke mumu lia kulingila Yehova mu tabernakulu

• Uso 2:1-4—Yesu kakumikine Akwa-Kristu a mu Efwesu, alioze yaachichimieka nawa mumu lia yuma yipema yize apwile ni kulinga

Yilweza ya mu Mbimbiliya yize muyihasa kutukwasa:

• 1Sa 23:16-18—Jonata kanyingikine ngwenyi sepa lienyi Ndawichi te kanafupu utakamiso, kashika ayile ni kumufupa hanga amutakamise

• Yo 16:33—Yesu katakamishine tumbaji twenyi ni kwahichikila chilweza cha chize te mahasa kutakamisa akwo

• Yi 28:14-16—Muze te anamutwala ku Roma hanga amusopese, Paulu kawahililile ha kumona mandumbu jenyi waze ejile ni kumutakamisa

Yilweza ya mu Mbimbiliya yize muyihasa kutukwasa:

• Kwa 11:10-15—Profeta Mose kahongele chinji muze A-Izalele alitunyine shimbi ja Yehova ni kulinyenyeta

• Kwa 13:31, 32; 14:2-6—A-Izalele kahongele ni kulituna shimbi ja Yehova mumu lia lusango mupi yoze ngendeshi kumi anehene

Yilweza ya mu Mbimbiliya yize muyihasa kutukwasa:

• 2Sg 20:1-19—Mwanangana Yehosofate kalembele hamuwika ni mbunga muze akwa-kole alukukilile mbonge ya Yunda

•  Yi 12:1-5, 12-17—Muze ashihile postolo Tiangu ni kusa postolo Petulu mu zuwo lia ususu, mandumbu mu Yerusaleme yalikungulula hanga alembe

Yilweza ya mu Mbimbiliya yize muyihasa kutukwasa:

• Upu 39:19-23; 40:1-8—Yosefwe kamuliongelele yuma ya mahuza ni kumusa mu zuwo lia ususu chakuhona chitela, chipwe chocho yanunga ni kushishika ni kukwasa atu akwo

• 2Mi 6:15-17—Profeta Elisha kakevwile woma muze maswalale ejile ni kulimika nenyi, kashika alembele hanga chikwashi chenyi neye te ahone kwivwa woma

Yilweza ya mu Mbimbiliya yize muyihasa kutukwasa:

• 1Sa 1:10, 11, 17, 18—Yehova kevwile kulemba cha Hana ni kumukwasa kulivwa kanawa muze te anahongo

• 1Mi 19:1-19—Yehova kahanyine meya ni kulia kuli profeta Eliya muze te ananenganyana. Yehova yamulembejeka nawa ha kumwaha kutalatala cha kulutwe lia matangwa

Yilweza ya mu Mbimbiliya yize muyihasa kutukwasa:

• Yom 14:1, 2, 7-9, 13-15—Chipwe ngwe Yombi kapwile ha mashimbu akalu, nihindu kutalatala chize apwile nacho, chamutakamishine

• Da 12:13—Muze apwile ni miaka 100, profeta Daniele kawanyine utakamiso muze umwe mungelo amulwezele ngwenyi, kulutwe makapwa ni yiwape yinji

 Yilweza ya mu Mbimbiliya yize muyihasa kutukwasa:

• 1Sa 30:1-9—Mwanangana Ndawichi kawanyine utakamiso ha kulemba kuli Yehova muze apalikile mu lamba

• Lu 22:39-43—Muze apwile ha mashimbu akalu chinji, Yesu yeta ukwaso kuli Yehova hanga ahase kunyongonona, chocho Yehova yatuma umwe mungelo hanga amutamise

Yilweza ya mu Mbimbiliya yize muyihasa kutukwasa:

• Yi 15:2-4—Postolo Paulu ni Mbarnabe katakamishile mandumbu anji mu yikungulwila yize amenekene

• 3Yo 1-4—Kashinakaji Yoano kambulwile sango jipema kuli atu anji, kashika atakamine chinji muze anyingikine ngwenyi, atu jacho machinunga mu umwenemwene