Yilweza ya mu Mbimbiliya yize muyihasa kutukwasa:

• 1Mi 19:​1-18​—Profeta Eliya kazulwile mbunge yenyi kuli Yehova muze te anamuhungumiona, mba yamulembejeka ni kumutakamisa

• Yi 7:​9-15​—Yosefwe kamuhungumionene kuli mandumbu jenyi, alioze Yehova yanunga ni kushishika kuli iye ni kumulamwina, chocho kulutwe Yehova yalamwina asoko jenyi kupalikila muli iye

Yilweza ya mu Mbimbiliya yize muyihasa kutukwasa:

• 2Mi 18:​17-35​—Rabeshaka, kanganda ka mwanangana wa Asuria, yasosomba Yehova ni kulelesa atu jenyi ku Yerusaleme

• Lu 22:​63-65; 23:​35-37​—Yesu kamuhepwishile muze apwile mu zuwo lia ususu ni muze apwile ha mutondo wa lamba

Yilweza ya mu Mbimbiliya yize muyihasa kutukwasa:

• Yi 7:57–8:1​—Muze afupile kumushiha kuli mbunga yize yapwile ni ufwatulo, kambaji Eshetevau yalemba kuli Yehova hanga asolole keke kuli waze te anamuhungumiona, kuchingako Saulu wa ku Tarsu

• Yi 16:​22-34​—Chipwe ngwe kamunumine ni kumukashila mu umwe mutondo, nihindu postolo Paulu kakevwilile uli kafunga wa zuwo lia ususu, alioze yamukwasa hamwe ni usoko wenyi kupwa Akwa-Kristu

Yilweza ya mu Mbimbiliya yize muyihasa kutukwasa:

• 2Sg 32:​1-22​—Mwanangana Hezekia muze amulukukilile kuli maswalale a Mwanangana Senakeribe, iye yajikijila muli Yehova ni kutakamisa atu jenyi; kashika yamuwahisa chinji ha kuchilinga

• Hep 12:​1-3​—Akwa-Kole ja Yesu kafupile kumuvwisa sonyi, alioze iye kakevwile sonyi chipwe kuhonga mumu lia yize amulingile

Yilweza ya mu Mbimbiliya yize muyihasa kutukwasa:

• Yom 1:​6-22; 2:​1-10​—Yombi kakanyingikine ngwenyi Satana mwe te unamumwesa lamba, chipwe chocho yanunga ni kuhalisa Yehova ni kushishika kuli iye, yasolola ngwo Satana kali mukwa-mahuza

• Da 1:​6, 7; 3:​8-30​—Kuli tuvumbi wano ashishika a Yehova, Hanania, Mishaele ni Azaria (Shadrake, Meshake, ni Abedenego), te muchiwaha kufwa kuhiana kwehuka shimbi ja Yehova. Mumu lia yize o alingile, Mwanangana Nabukanezore yoze te wakuwayila tuzambi a mahuza, yahalisa Yehova

Yilweza ya mu Mbimbiliya yize muyihasa kutukwasa:

• Yi 11:​19-21​—Akwa-Kristu waze amwanganyine mumu lia yihungumiona, kanungine ni kwambujola sango jipema ku yihela yeka

• Fwp 1:​12, 13​—Postolo Paulu kawahililile chinji muze anyingikine ngwenyi atu anji kalilongesele umwenemwene mumu lia kumusa mu zuwo lia ususu

Yilweza ya mu Mbimbiliya yize muyihasa kutukwasa:

• Yi 19:​24-29​—Mu mbonge ya Efwesu, akwa-kusonga tuponya kamwene ngwo sango jize Akwa-Kristu apwile ni kwambujola te mujipihisa mingoso yo, kashika aputukile kwahungumiona

• Nga 1:​13, 14​—Muze te kanda achipwa Mukwa-Kristu, Paulu (Saulu) kahungumionene chinji chikungulwila cha Zambi mumu lia kulikwachilila chinji ku malongeso ja A-Yunda