Yiyulo
Kutayiza yiyulo
Mumu liaka twatamba kufupa yiyulo yize yinakatuka mu Mbimbiliya?
Sam 32:8; Yis 15:22; 19:20; 20:18
Tala nawa Yis 11:14; Iza 28:29; Jer 32:19
Mumu liaka chili chipema kupanjika yiyulo yize matwaha chakuhona kulikalila?
Yis 12:15; 29:1
Tala nawa Yis 1:23-31; 15:31
-
Yilweza ya Mbimbiliya yize Muyihasa Kutukwasa:
-
1Sa 15:3, 9-23—Muze amuhele chiyulo kuli profeta Samuele, mwanangana Saulu shimbu atayize, yalituna ni kufupa kulikalila; mumu lia chino Yehova yamwehuka ngwe mwanangana
-
2Sg 25:14-16, 27—Muze Mwanangana Amazia avulumwine ni kulituna chiyulo cha profeta wa Yehova, yatokesa utayizo ni ufunge wa Zambi
-
Mumu liaka twatamba kuvumbika makulwana a mu chikungulwila ni kutayiza yiyulo yize matwaha?
1Te 5:12; 1Ti 5:17; Hep 13:7, 17
-
Yilweza ya Mbimbiliya yize Muyihasa Kutukwasa:
-
3Yo 9, 10—Postolo Yoano kahishile Ndiutrefwe mumu iye te keshi kuvumbika waze apwile ni kusongwela mu chikungulwila cha Akwa-Kristu
-
Mumu liaka chili chipema kupanjika atu waze hakola?
Lev 19:32; Yis 16:31
Tala nawa Yom 12:12; 32:7; Tit 2:3-5
-
Yilweza ya Mbimbiliya yize Muyihasa Kutukwasa:
-
1Sa 23:16-18—Mwanangana Ndawichi katakamine ni chiyulo chize amuhele kuli Jonata, yoze wapwile mukulwana wenyi wa miaka 30
-
1Mi 12:1-17—Mwanangana Rehoboame kalitunyine chiyulo chize amuhele kuli makulwana ni kutayiza chiyulo chize amuhele kuli akweze ni akwo; chino chamutwalile kulinga yuma yipi chinji
-
Yika yinasolola ngwo mapwo ashishika ni akweze Akwa-Kristu mahasa kuhana yiyulo yipema?
Yom 32:6, 9, 10; Yis 31:1, 10, 26; Chi 4:13
Tala nawa Sam 119:100
-
Yilweza ya mu Mbimbiliya yize muyihasa kutukwasa:
-
1Sa 25:14-35—Chiyulo chize Abigale ahanyine kuli Mwanangana Ndawichi chalamwinyine atu anji ni kumukwasa achine kupwa ni chitela cha manyinga
-
2Sa 20:15-22—Chiyulo cha umwe pwo wa mana yoze wapwile mu mbonge ya Abele chalamwinyine atu anji
-
2Mi 5:1-14—Chiyulo cha mwana-pwo kanuke Ka-Izalele chakwashile umwe swalale wa ndundo yoze wapwile ni musongo wa mbumba kuwana uukiso
-
Mumu liaka twatamba kukanyama ni yiyulo ya atu waze keshi kuzanga Yehova ni Liji lienyi?
Sam 1:1; Yis 4:14
Tala nawa Lu 6:39
-
Yilweza ya mu Mbimbiliya yize muyihasa kutukwasa:
-
1Sg 10:13, 14—Mwanangana Saulu kafupile umwe pwo tahi shimbu afupe Yehova, chocho yafwa mumu lia kwecha kwononokena Yehova
-
2Sg 22:2-5, 9—Mwanangana Ahazia kafwile mumu lia kukaula chiyulo cha atu api
-
Yom 21:7, 14-16—Yombi kapwile ni kulituna manyonga ja atu waze te keshi kuzanga Yehova
-
Kuhana yiyulo
Chilumbu chaka chili chipema kulianga kupanjika kanawa ni kunyingika lusango mweswe shimbu kanda uchihana chiyulo?
Yis 18:13, 17
Tala nawa Yis 25:8
-
Yilweza ya mu Mbimbiliya yize muyihasa kutukwasa:
-
1Sa 1:9-16—Sasendote wa Lutwe Eli kahanyine chiyulo chikalu kuli Hana shimbu te kanda achinyingika yikuma yeswe, mumu kanyongene ngwe Hana te kanazengewa
-
Mat 16:21-23—Postolo Petulu kakumikine Yesu chakuhona kunyingika ngwenyi, chiyulo chize anamwehe te muchiyukisa Satana, hi Yehova ko
-
Mumu liaka twatamba kulemba kuli Yehova shimbu kanda tuchihana chimwe chiyulo?
Sam 32:8; 73:23, 24; Yis 3:5, 6
-
Yilweza ya mu Mbimbiliya yize muyihasa kutukwasa:
-
Kut 3:13-18—Profeta Mose kechile kuli Yehova hanga amukwase kunyingika chize te atamba kukumbulula A-Izalele
-
1Mi 3:5-12—Shimbu alijikijile mwene, Mwanangana Solomone yeta mana kuli Yehova, chocho Yehova yamuwahisa chinji
-
Mumu liaka yiyulo ni makumbululo jetu atamba kukatuka ha Liji lia Zambi?
Sam 119:24, 105; Yis 19:21; 2Ti 3:16, 17
Tala nawa Shi 17:18-20
-
Yilweza ya mu Mbimbiliya yize muyihasa kutukwasa:
-
Mat 4:1-11—Muze amwesekele kuli Satana, Yesu yamukumbulula kulita ni Liji lia Zambi
-
Yo 12:49, 50—Twatamba kwimbulula Yesu yoze wapwile ni kulongesa atu yuma yize Yehova amulongesele
-
Mumu liaka twatamba kuhanjika ni zango hanji kuchichimieka akwetu muze tunahane yiyulo?
Tala nawa Iza 9:6; 42:1-3; Mat 11:28, 29
-
Yilweza ya mu Mbimbiliya yize muyihasa kutukwasa:
-
2Sg 19:2, 3—Yehova kakumikine Mwanangana Yehosofate kupalikila muli umwe profeta, alioze yamuchichimieka mumu lia yuma yipema yize alingile
-
Uso 2:1-4, 8, 9, 12-14, 18-20—Yesu kaliangile kuchichimieka yikungulwila shimbu te kanda ahana yiyulo
-
Nyi umwe ndumbu matulweza ngwenyi, kamulinga umwe upi hanji umwe ndumbu wahanjika yuma ya mahuza hali iye, mumu liaka chili chipema kulweza ndumbu wacho hanga aliange kuhanjika ni ndumbwenyi?
Tala nawa Lev 19:17
Nyi umwe ndumbu malivwa ngwenyi kamulinga chuma cha uhenge, kuchi mutuhasa kumukwasa hanga asolole keke, uhomboloji ni ukonekeno?
Mat 18:21, 22; Mar 11:25; Lu 6:36; Efw 4:32; Kol 3:13
Tala nawa Mat 6:14; 1Ko 6:1-8; 1Pe 3:8, 9
-
Yilweza ya mu Mbimbiliya yize muyihasa kutukwasa:
-
Mat 18:23-35—Yesu katongwele chilweza chimwe hanga asolole mumu liaka chili chilemu kupwa akwa-kukonekena
-
Mumu liaka twatamba kulikwachilila ha shimbi ja Yehova muze tunahane chiyulo?
Sam 141:5; Yis 17:10; 2Ko 7:8-11
-
Yilweza ya mu Mbimbiliya yize muyihasa kutukwasa:
-
1Sa 15:23-29—Profeta Samuele kakevwilile woma Mwanangana Saulu
-
1Mi 22:19-28—Chipwe ngwe kamumwesene lamba ni kumuvwisa woma, nihindu profeta Mikaia kalwezele Mwanangana Ahabe yuma yize te atamba kwivwa
-
Kuchi mutuhasa kuhana chiyulo kuli umwe ndumbu chakuhona kumuzeyesa ku ufulielo?
-
Yilweza ya mu Mbimbiliya yize muyihasa kutukwasa:
-
Lu 22:31-34—Chipwe ngwe Petulu kahengesele, nihindu Yesu kapwile ni shindakenyo ngwenyi, iye mahasa kutakamisa akwo
-
Fwm 21—Postolo Paulu kapwile ni shindakenyo ngwenyi, Fwilimu makaula chiyulo chenyi
-
Kuchi mutuhasa kusolola zango muze tunahana yiyulo kuli waze ananenganyana?
Kuchi mutuhasa kusolola kuli mutu yoze walinga shili ngwo, tunazange kumukwasa hanga apwe cheka ni usepa upema ni Yehova?
Kuchi mutuhasa kusolola vumbi kuli mutu yoze twahana yiyulo apwe pwo hanji lunga, mukulwana hanji kanuke?
Mumu liaka makulwana a mu chikungulwila katambile kwivwa woma wa kukwasa mutu yoze wakulituna shimbi ja Zambi?
Kota Muzanga Chinji Yuma Yize Mumona
YIZE MUHASA KULILONGESA MU MBIMBILIYA
Kajita ni Kanuke wa Pwo
Mukweze Ka-Izalele kanalweze mwazovu wenyi hakutwala ku ndundo jahiana ja Yehova—ni yikomokeso yize te akulinga.
SANGO JA YETU
Eta Umwe Eze ni Kukumeneka
Kushimutwina chimwe chihula cha mu Mbimbiliya, kunyingika yuma yinji hakutwala kuli Yela ja Yehova.
