Yika Yesu Alingile?

Yika Mutuhasa Kulilongesa Hali Yesu?

2. Yetu twatamba kusolola zango, alioze twatamba nawa kusolola pundu yize longi mahasa kulinga hanga anunge ni kukundama kuli Yehova.

 Imbulula Yesu

3. Kwasa longi ye kutesa yuma yize malinga ni kumanununa yize matesa.

1.    Zachisa chikuma “Yize Mulinga” chili ha hita longeso lia ha mukanda Wahilila ku Mwono ku Miaka Yeswe!

2.   Kwasa longi ye hanga anyingike yize atamba kulinga mba amanunune yuma yize atesa kulinga ha mashimbu akehe ni ha mashimbu anji.

3.   Chichimieka longi ye mashimbu eswe ha tachi jize anase hanga akole ku ufulielo.

4. Watamba kunyingika yuma yize yinakwika longi ye kusenya kulutwe ni kumukwasa hanga akumbe kapinda wacho.

1.    Lihule ngwe:

   • ‘Yika yinakwika longi yami kulikolweza hanga amupapachise?’

   • ‘Yika munguhasa kulinga hanga ngumukwase?’

2.   Lemba ni kwita hamu hanga uhanjike zwalala, alioze ni zango yuma yize longi ye atamba kulinga.

5. Nyi longi keshi kusenya kulutwe echa kulilongesa nenyi.

1.    Tala nyi longi ye kanase tachi hanga asenye kulutwe ha kulihula yihula yino:

   • ‘Shina longi yami kakukaula yuma yize analilongesa?’

   • ‘Shina iye kakuya ku kukunguluka ni kuhanjika ni akwo hakutwala ku umwenemwene uze analilongesa?’

   • ‘Amu hikwapalika mashimbu anji chize haze iye aputukile kulilongesa Mbimbiliya, shina kanazange lume kupwa Chela cha Yehova?’

2.   Nyi longi wa Mbimbiliya kazangile kusenya kulutwe:

   • Muhule hakutwala ku yize hanji yinamukwika kusenya kulutwe.

   • Ni zango lieswe, mulumbunwine mumu liaka uneche kulilongesa nenyi Mbimbiliya.

   • Mulweze yuma yize atamba kulinga mba nuputuke kulilongesa cheka nawa Mbimbiliya.