Yika Fwilipe Alingile?

Yika Mutuhasa Kulilongesa Hali Fwilipe?

2. Nyi twecha hanga lusango ende senene, chino muchikwasa mutu mukwo hanga alivwe kanawa, alihumikize ni kupanjika lusango yoze mutumwambulwila.

 Imbulula Fwilipe

3. Tala ha yuma yize yinamujingilika. Muhasa kulilongesa yuma yinji hakutwala kuli mutu ha kutala chize anasoloka, chize anasunga-sunga mujimba ni chize anasoloka ku meso. Kashika lihule ngwe: Shina mutu yono kanazange kuhanjika ni yami? Muhasa kuputuka kuhanjika ni mutu hakutwala ku umwenemwene wa mu Mbimbiliya ha kumuhula chihula chino chashi, “Shina unanyingika ngwe . . . ?” Nyi mutu kazangile kuhanjika, kanda umushinjila.

4. Pwako chihomboloji. Kanda ulivwa ngwe watamba kuputuka kuhanjika kawashi-washi hakutwala ku umwenemwene wa mu Mbimbiliya. Nyi mushimbwila mashimbu alita a kuhanjika, chino muchikwasa hanga yuma yeswe yende kanawa. Ha mashimbu amwe chakufupiwa kushimbwila ndo ha chisuho chikwo chize mukahanjika ni mutu wacho.

5. Alumuna lusango kulita ni yize mutu anafupu. Mutu mahasa kuputuka kuhanjika hakutwala ku chuma chize te ushi ni kushimbwila. Nyi chino chalingiwa, lihane hanga ushimutwine nenyi chikuma chimwe chize chili chilemu kuli mutu wacho, chipwe ngwe chino muchilumbunuka kuhanjika chuma chimwe cha mu Mbimbiliya chinalise ni chize waluliekanga.