Yika Yesu Alingile?

Yika Mutuhasa Kulilongesa Hali Yesu?

2. Tunafupiwa kupwa yihomboloji, mumu atu amwe kakumbata mashimbu anji mba atayize sango jipema kuhiana akwo.

 Imbulula Yesu

3. Eseka kuzachisa majila akwo akwambulwilamo. Nyi ku uputukilo mutu katayijile kulilongesa Mbimbiliya, kanda umushinjila. Nyi muchilita, zachisa yinema hanji yikuma ya ha mikanda yetu umukwase hanga anyingike yize yakulingiwa ha longeso lia Mbimbiliya ni chize mulihasa kumuyukisa.

4. Kanda umutesa ni mutu mukwo. Atu kalisa. Nyi umwe mu usoko hanji mutu yoze mutuya ni kumeneka malituna longeso lia Mbimbiliya hanji kutayiza yize Mbimbiliya yakulongesa, eseka kunyingika mumu liaka iye keshi kutayiza yuma yacho. Kashika lihule ngwe: Shina kuli malongeso amwe a mu yingeleja waze ali alemu chinji kuli iye? Shina kanamuhungumiona kuli asoko hanji enyembo jenyi? Mwehe mashimbu hanga anyonge ha yize yena wambanga ni kumona ulemu wa malongeso a mu Mbimbiliya.

5. Lembela atu waze anazange kunyingika umwenemwene. Eta kuli Yehova hanga akukwase kununga ni kupwa ni nyonga lialita ni kusolola vumbi. Lemba kuli Yehova hanga akwehe malinjekela waze makukwasa kunyingika ngwo, mutu yono kazangile kulilongesa umwenemwene ni shimbu lialita lize watamba kwecha kumumeneka.—1 Kori. 9:26.