Lise mu Chihela cha Akwenu

KWAZULULA

Shimbi: “Wahililenu hamwe ni waze anawahilila; lilenu hamwe ni waze analili.”—Roma 12:15.

Yika Yesu Alingile?

CHINEMA: Yesu Yavwila Mbunga Keke

1. Tala CHINEMA, hanji kutanga Marku 6:30-34. Mba nushimutwine yihula yino:

Mumu liaka Yesu ni apostolo jenyi azangile kuya ku chihela ‘kwa ukawo’?
Mumu liaka Yesu alongesele mbunga?

Yika Mutuhasa Kulilongesa Hali Yesu?

2. Kulisa mu chihela cha akwetu chakutukwasa hanga tulihulumbe hali ayo, hi wika ko mumu lia sango jize mutwambulwila, alioze mumu tunazange nawa kwakwasa.

Imbulula Yesu

3. Pwako mukwa-kupanjika. Echa hanga atu ahanjike yize yili mu mbunge jo. Kanda waapatula maliji chipwe kulianga kulengulula chize anevwu, yize akunyonga hanji yuma yize keshi kutayiza. Nyi wapanjika kanawa yize anambe, musolola ngwe wakulemesa chinji yize o akunyonga.

4. Nyonga ha yuma yize yapwa yilemu kuli atu. Kulita ni yize muhanjika ni mutu wacho, lihule ngwe:

‘Mumu liaka iye anafupiwa kunyingika umwenemwene uno?’
‘Kuchi kulilongesa Mbimbiliya muchimukwasa kupwa ni mwono upema hita tangwa ni kulutwe lia matangwa?’

5. Hanjika hakutwala ku yuma yize muyimukwasa. Nyi muchilita, fupa washi-washi kumusolwela chize longeso lia Mbimbiliya mulikumbulula yihula yenyi ni chize mulihasa kumukwasa mu majila alita.

TALA NAWA

Roma 10:13, 14; Fwili. 2:3, 4; 1 Petu. 3:8

ZANGENU ATU—MBA NWAPWISE TUMBAJ