Ha 27 ya Janeiro, 2023 atu anji makewuluka tangwa lia Holocausto. a Yuma yipi yize yalingiwile ha miaka 75 kunyima, muyihasa kukutwala ulihule ngwe, mumu liaka Zambi echele hanga atu anji afwe chichize?

•   Mba uwane kumbululo lia Mbimbiliya, tanga chikuma, “Por que Deus não impediu o Holocausto?”

 A-Yunda anji kaashihile ha holocausto. Anji kuli ayo kafwile chitaka. Atu akwo no kaashihile mu holocausto yacho. Mukachi ka atu jacho, mwapwile nawa Yela ja Yehova waze ahungumionene mumu lia ufulielo wo.

•   Mba unyingike sango jikwo, tanga chikuma, “O que aconteceu com as Testemunhas de Jeová durante o Holocausto?”

 Atu anji kakwivwa woma ngwo, tangwa limwe kufwa cha mutapu au muchihasa kulingiwa nawa. Alioze, Mbimbiliya yinalakenya ngwo, kulutwe yuma yino kuyichi kalingiwa nawa.

•   “Yehova kanambe ngwenyi, Ngunanyingika manyonga aze nguli no hali yenu; manyonga akunuwahisa hi kunupinjisa ko. Manyonga akunwaha kutalatala ku yuma ya kulutwe.”—Jeremia 29:11. b

 Chilakenyo chino muchikamanunuka muze Yehova makachiza upi ni waze eswe akuneha upi wacho. Kwasala hakehe:

•   Mashiha waze eswe akulinga akwo yuma yipi.—Yishima 2:22.

•   Mahwisa lamba lia atu eswe.—Usolwelo 21:4.

•    Mahindwisa waze eswe hanafu.—Yoano 5:28, 29.

 Muhasa kuwana utakamiso ha yilakenyo yino ya mu Mbimbiliya. Mba unyingike mumu liaka, tunakwite uputuke kulilongesa Mbimbiliya ni yetu chawana.