KANYAMENU!
Shina Katonde wa Chikowa Meza Kahwa? Yika Mbimbiliya Yakulongesa?
Kuli atu anji, katonde wa chikowa kechi keza kahwa nilimwe tangwa.
“Hashi heswe, katonde wa chikowa mwe unahandununa atu. Kanaatwale kulinga akwo yuma yipi.”—António Guterres, UN Secretary-General.
Shina tangwa limwe katonde yono meza kahwa? Yika Mbimbiliya Yakulongesa?
Chize Zambi akumona kulisa cha atu
Mu Mbimbiliya, tunawanemo nyonga lia Zambi hakutwala ku kalisa wa atu hanji ngwetu chikowa.
“[Zambi] watangile mavungu eswe a hashi kupalikila muli mutu umuwika hanga akatwame hashi heswe.”—Yilinga 17:26.
“Zambi keshi katonde. Mumu ku mavungu eswe iye kakutayiza yoze wakumuvwila woma ni kulinga yuma yalita.”—Yilinga 10:34, 35.
Mbimbiliya yakwamba ngwo, atu eswe kejile kuli mutu umuwika, chikwo nawa ngwo Zambi kakutayiza atu a ku minyachi yeswe.
Chize katonde wa chikowa makahwa
Wanangana wa Zambi, umwe unguvulu wa mu malilu muukahwisa katonde wa chikowa yoze wakusoloka mukachi ka atu. Yino muyikalingiwa mumu Wanangana uno muukalongesa atu chize atamba kutwama ni akwo mu jila yalita. Atu eswe makalilongesa chize mahasa kuchiza katonde wa chikowa mu mambunge jo.
‘Atu waze makatwama hashi makalilongesa ululi.’—Izaia 26:9.
“Songo lia ululi mulipwa uhwimino, ni ku ululi mukwiza kuhwima.”—Izaia 32:17.
Musono, atu anji kanalilongesa kupalikila mu Mbimbiliya chize mavumbika akwo ni kwalemesa.
Mba unyingike sango jikwo, tanga Laulenu! unambe ngwo, “Shina Katonde Meza Kahwa?”
Tanga chikuma, “Kwasa Ana je Ehuke Katonde wa Chikowa” hanga unyingike chize yisemi mahasa kushimutwina chikuma chino ku zuwo.
Kota Muzanga Chinji Yuma Yize Mumona
ESSENTIAL BIBLE TEACHINGS
Wanangana wa Zambi Yika?
Muze Yesu akalakalile mulimo wenyi, te kakulongesa atu hakutwala ku Wanangana wa Zambi kuhiana chuma cheswacho. Ha miaka yinji, atu te kulemba hanga Wanangana wize.
SANGO JA YETU
Eta Umwe Eze ni Kukumeneka
Kushimutwina chimwe chihula cha mu Mbimbiliya, kunyingika yuma yinji hakutwala kuli Yela ja Yehova.
