Atu anji hano hashi, kakulivwa chinji ukawo ni kunyonga ngwo kechi kuhasa kupwa ni masepa apema. Amwe mandotolo kakwamba ngwo, mutu nyi makwasa akwo chino chakumukwasa ahone kulivwa ukawenyi.

•   “Kukwasa atu waze anafupu ukwaso muchihasa kululieka mwono wa mutu ni kumukwasa kwehuka manyonga akulivwa ukawenyi.”—Institutos Nacionais de Saúde dos EUA.

 Mbimbiliya yakutukwasa kumona majila waze mutuhasa kukwashilamo akwetu. Nyi twakaula yize yakwamba, muchitukwasa kukumba manyonga akulivwa ukawetu.

 Pwako chihanyi. Fupa uhashi hanga upalikise mashimbu ni akwenu, chipi-chipi ha kupwa no hamuwika. Chikwo nawa, lianyine ni akwenu yize uli nayo. Nyi wachilinga, ayo masakwilila chinji, mba chino muchinukwasa kupwa masepa apema.

•   Chiyulo cha Mbimbiliya: “Pwenu ni kuhana, mba ni yenu makanwaha.”—Luka 6:38.

 Lihane hanga ukwase akwenu. Fupa majila hanga ukwase atu waze anapalika mu yipikalo. Yino muyihasa kuchinga kwapanjika kanawa ni kwakwasa ha yuma yize anafupu hanga utepulule kapinda wo.

•   Chiyulo cha Mbimbiliya: “Sepa mupema kakulihana hanga akwase ha shimbu lieswalio.”—Yishima 17:17, Contemporary English Version.

 Mba uwane sango jikwo ja chize muhasa kufunga usepa upema ni akwenu, tanga chikuma “Vida Familiar e Amizades.”