Kapinda wa atu kulivwa ukawo, chili chikuma chize asele ha chihela chitangu ha 2023 kuli akwa-kutala ha yuma ya uwukiso wa hashi heswe. Shina muchihasa kupwa chashi kukumba kapinda yono?

•   ‘Kulivwa ukawetu ni kulisosolola chili ponde yinene ku mwono. Alioze mutuhasa kukumba kapinda yono ha kulinga yuma yikehe-yikehe hanga tukolese usepa wetu.’ Dr. Vivek Murthy, conselheiro nacional de saúde dos Estados Unidos. a

 Kulivwa ukawetu kuchishi kwiza wika mumu lia kulisosolola hali akwetu. Amwe lume mahasa kulivwa ukawo chipwe muze ali hakachi ka akwo. Alioze chipwe ngwe kulivwa ukawe chakwiza mumu lia yuma yeka ni yeka, nihindu Mbimbiliya muyihasa kukukwasa. Mu Mbimbiliya muli yiyulo yipema yize muyitukwasa kukolesa usepa upema uze muutukwasa kukumba kapinda wa kulivwa ukawetu.

 Lilongese kushimutwina ni akwenu. Muze mulianyina manyonga je ni akwenu, pwako mukwa kwivwa mupema. Nyi musolola ngwe wakulihulumba hali akwenu usepa wenu mukola chinji.

•   Chiyulo cha Mbimbiliya: “Mutu mweswe kanda atala ku yuma yenyi wika, alioze ku yuma ya akwo nawa.”—A-Fwilipu 2:4.

 Likate ni atu alisa. Likate ni makulwana, twanuke, atu a ku minyachi yalisa chipwe lume a ku yifuchi yikwo.

•   Chiyulo cha Mbimbiliya: “Azululenu mbunge jenu.”—2 A-Korindu 6:13.

 Mba unyingike nawa chize muhasa kupwa ni masepa apema, tanga chikuma, “Satisfazer a sede de amizades.”