KANYAMENU!
Akwa-Ciencia Kasenyesa Ndambu Loloji ya Juízo Final—Yika Mbimbiliya Yakulongesa?
Ha 24 ya Janeiro, 2023, akwa-ciencia kasenyesele Loloji ya Juízo Final a hakamwihi ni ha muchima ufuku, ola yize yinasolola kunongesa cha hashi heswe.
“Ha Liamaali, ‘Loloji ya Juízo Final’ yize yakutala ha yuma muyinehena atu ponde, liahetele chinji hakamwihi ni muchima ufuku mumu lia jita ya ku Ucrânia, kwoka cha mata a mbomba ni kupihia cha fuji hano hashi.”—AFP International Text Wire.
“Liamaali akwa-ciencia yasolola ngwo, ‘Loloji ya Juízo Final’ haliapwila kunahono wika segundu 90 hanga lihete ha muchima ufuku. Kashika, kwasala hakehe atu apalike mu armagedone.”—ABC News.
“Chimwe chizavu cha akwa-ciencia atala ya hashi heswe kambile ngwo, atu kanda achipwa kama mu ponde ngwe chize ali musono.”—The Guardian.
Shina kukuwa cha atu ni cha hano hashi chakundama? Shina tunafupiwa kwivwa woma wa yize muyilingiwa kulutwe? Yika Mbimbiliya Yakulongesa?
Yize muyilingiwa kulutwe
Kulita ni Mbimbiliya, “hashi muhasala chizechene ku miaka yeswe.” Chikwo nawa, mukukapwa atu waze “makatwamaho ku miaka ya mutolo.” (Chilumbununyi 1:4; Samu 37:29) Kashika, atu kechi kuhasa kupihisa hashi ni kupwisa chikalu atu kutungaho.
Alioze Mbimbiliya yakuhanjika ha limwe songo. Chakutalilaho, yakwamba ngwo, “hashi hanapalika.”—1 Yoano 2:17.
Mba unyingike yize Mbimbiliya yakwamba ha chino, tanga chikuma “Será que o fim do mundo está chegando? O que é o Apocalipse?”
Mba unyingike yize Mbimbiliya yakwamba ha yize muyilingiwa hano hashi kulutwe, tanga chikuma “Quando vai ser o fim do mundo?”
Yize muyitukwasa kupwa ni nyonga lialita
Chipwe ngwe tunapinji ni milonga yinji hano hashi, nihindu Mbimbiliya muyihasa kutukwasa kupwa ni nyonga lialita. Mu mutapu uka?
Mbimbiliya yikwete yiyulo yipema. (2 Timoteu 3:16, 17) Chakutalilaho, mba unyingike chize Mbimbiliya muyihasa kukukwasa kupwa ni nyonga lialita chipwe ngwe unapinji ni milonga, tanga chikuma “Como controlar as preocupações.
Mbimbiliya yikwete kutalatala chingunu cha kulutwe. (A-Roma 15:4) Yakulumbununa yize mutuhasa kushimbwila ha matangwa jetu ni kulutwe. Yino yakutukwasa kumana nguu chipwe ngwe tuli ni yipikalo.
Mba uyuke ha yize mutanga mu Mbimbiliya, tunakwite hanga weseke kulilongesa Mbimbiliya chawana ni umwe Chela cha Yehova.
a “Loloji lino avuluka ngwo, “Loloji ya Juízo Final” kalilingile hanga likwase atu kunyingika chize tunayi ni kukundama ku kunongesa cha hano hashi mumu lia tecnologia yize atu ene analingi. Chino chili chimwe chilayi chinasolola ponde yize twatamba kuhwisa ni kawashi nyi tunazange lume kutwama hano hashi.”—Bulletin of the Atomic Scientists.
Kota Muzanga Chinji Yuma Yize Mumona
KUMBULULO LIA YIHULA YA MU MBIMBILIYA
Jita ya Armagedone Yika?
Liji Armagedone liakusoloka kamuwika mu Mbimbiliya, alioze jita yacho kakuyihanjika ha yisuho yinji mu yisoneko.
ESSENTIAL BIBLE TEACHINGS
Mumu Liaka Zambi Akwecha Lamba?
MAtu anji kakuhula ngwo mumu liaka atu akulivwila kole chichize ni kumona lama lipwahaha. Mbimbiliya yikwete kumbululo lipema lize mulitulembejeka.
ESSENTIAL BIBLE TEACHINGS
Mumu Liaka Zambi Atangile Hashi?
Hashi hazala too ni yuma yipema. Usuhwe watwama mukachi ka hashi ni tangwa walita, ni hashi hasendala kanawa, ni kulijinga chaho nawa chalita. Mumu liaka Zambi asele tachi ni kupemesa hashi chichize?
SANGO JA YETU
Eta Umwe Eze ni Kukumeneka
Kushimutwina chimwe chihula cha mu Mbimbiliya, kunyingika yuma yinji hakutwala kuli Yela ja Yehova.
