“Kwasala hakehe hashi muhapiha chinji kuhiana musono. Mambonge anene-anene mashimbama ni meya, chivukuminya muchinunga chakuhona kutepuluka, kangonga makolesa woma atu anji, muchikaliwa kuwana meya ku yihela yeswe, mitondo ni tushitu anji makuwa. Sango jino jili jamwenemwene, hi ja kulumba ko. Ayi ye muyilingiwa hamukunda wa yiyulo yize twakukwata hakutwala ku hano hashi.”

 Maliji a tetekeli wa ONU avuluka ngwo, António Guterres. Kapwanga ni kuhanjika hakutwala ku lusango wa 4 ya Abril 2022 wa Painel Intergovernamental yinatale ha kwalumuka cha tungonde.“Akwa-mana kakutoweza ngwo kulutwe lia matangwa kwonona cha hashi chize chakulingiwa mumu lia kwalumuka cha tungonde muchiheta mu ma parques 423 ya mu [Estados Unidos], mumu mu yihela yacho mwakusasaminya chinji. Yuma yacho yize yakulingiwako yinasolola uprofeto wa kusula cha chifuchi: Kuwema cha misenge ni ma sanga a meya, (derretimento das calotas polares,) kuliwezela cha meya mu kalunga lwiji, mikanya ni chivukuminya.”-“Sanga lia meya mu Yellowstone, lili chilayi cha yuma yize muyilingiwa kulutwe,” The New York Times, 15 ya junho 2022.

 Shina kapinda yoze wakwonwona chifuchi makahwa? Nyi ngwe makahwa, iya yoze makamuhwisa? Tala yize Mbimbiliya yakwamba.

 Mbimbiliya yakwamba ngwo Zambi ‘makwonwona waze akwonwona hashi.’ (Usolwelo 11:18) Versu yino yakutulongesa yikuma yitatu:

1.  1. Atu e akupihisa chinji hano hashi.

2.  2. Kwonwona cha hano hashi muchikahwa.

3.  3. Zambi mwe makahwisa kapinda wacho, hi atu ko.

 Mbimbiliya yakwamba ngwo “hashi hakusala chizechene ha miaka.”—(Chilumbununyi 1:4) Atu makatwamaho ku miaka yeswe.

•   “Akwa ululi kumakazuka chifuchi; kumakatwamamo ku miaka ya mutolo.”—Samu 37:29.

 Hano hashi muhakawaha nawa.

•   “Puya ni chifuchi chumu muyikawaha; kango muyikawahilila ni kutemuna yitemo ngwe kawalangaza.”—Izaia 35:1.