“Akweze anji kanakwachika musongo wa mahesuhesu. Rede social ye yinatwale chinji akweze kupwa ni musongo wacho.”—Dr. Vivek Murthy, conselheiro nacional de saúde dos Estados Unidos, New York Times, 17 Junho, 2024.

 Kuchi yisemi mahasa kufunga ana jo ku ponde yize yakwiza ku rede social? Mbimbiliya muyihasa kwakwasa ha chikuma chino.

 Hengwolenu shimbi jino ja mu Mbimbiliya.

 “Chikanyame kakutala kanawa ku kwenda chenyi.”—Yishima 14:15.

 Mumu lia ponde yize muyihasa kwizako, kanda nwecha ana jenu hanga akalakalise rede social. Alioze nyi mununazanga hanga ayikalakalise, chitangu fupenu kupwa ni shindakenyo ngwenu ayo hajama ni kwehuka sango jipi, kupwa ni masepa apema ni kukaula mashimbu waze yenu nwatesele.

•   Mba nunyingike sango jikwo, tangenu yikuma “Devo deixar meu filho usar redes sociais?” ni “Ensine seu filho adolescente a usar as redes sociais com segurança.”

 “Kanda nukisa mashimbu jenu.”—A-Efwesu 5:16.

 Nyi munutayiza hanga ana jenu akalakalise rede social, aselenu shimbi ni kwalumbunwina chize shimbi jacho mujihasa kwafunga. Chikwo nawa, senu shindakenyo ha yeswe yize muyalumuka ku mwono wo yize hanji muyisolola ngwo ayo katamba kwecha kukalakalisa rede social.

•   Solwela ana je chinema, Kanyama ha Kuzachisa Internet hanga wakwase kumona mumu liaka wasela shimbi ha chikuma chino.

 Mbimbiliya yakwamba ngwo tuli ha “mashimbu akalu chinji.” (2 Timoteu 3:1-5) Alioze, Mbimbiliya yakutwaha nawa yiyulo yipema yize yakutukwasa kukumba yipikalo yacho. Talenu katalilo uli ni yikuma 20 yinakatuka mu Mbimbiliya yize yinahanjika hali yisemi ni ana, ha chikuma “Musongo wa Manyonga Kuli Akweze Unoko Chinji.”