Ukwaso wa hashi heswe uze akuhana kuli maswalale hiwahiana 2,24 trilhões ya mbongo ja dolar (EUA) ha 2022, chino chalingiwa nawa mumu lia jita yize analiase akwa-Ucrânia ni akwa-Rússia. Kulita ni sango jize jinakafwambuka ha Abril 2023, kuli akwa-sango, Stockholm International Peace Research Institute (SIPRI), ha 2022 yamba ngwo:

•   Ukwaso uze ahana kuli maswalale a mu Europa “wapwa wa 13% ja mbongo ha mwaka wacho, wahiana nawa ukwaso weswe uze hanahana ha mu Europa hanyima lia jita chize ha mwaka 1991.”

•   “Rússia kokesa ukwaso wenyi ha kuhana 9,2% ja mbongo. Chocho, yakatuka ha chihela chamuchitano yapwa ha chihela chamuchitatu cha waze akuhana ukwaso unji kuli maswalale a hashi heswe.”

•   Estados Unidos machinunga ha chihela chitangu cha waze akuhana ukwaso unji kuli maswalale ha “kuhana 39% ja mbongo ja ukwaso wa maswalale a hashi eswe.”

 Dr. Nan Tian, yamba ngwenyi: “Kwoka cha ukwaso uze anahana kuli maswalale a hashi heswe ha miaka yino, chili chilayi chize chinasolola ngwo, tuli ha mashimbu waze atu keshi ni shindakenyo ya yize malinga.” Sango jakukatuka ku, coauthor of the SIPRI.

 Mbimbiliya yaliangile kwamba kulu ngwo, manguvulu waze akwete ndundo jinji te malipinjisa ni kukoka mbwanja ha yisuho yinji ni akwo waze no akwate ndundo. Kashika yuma yino yakusolola kuze mutuhasa kuwana sambukila yamwenemwene.

•   Mbimbiliya yakuvuluka matangwa wano tuli ngwo “Miaka ya ku songo.”—Daniele. 8:19.

•   Mukanda wa Daniele waliangile kulu kwamba ngwo, ha mashimbu jacho te mukupwa manguvulu a ndundo waze makalikatukila ni akwo. Maguvulu jacho a ndundo ja hashi eswe te ‘malitachika’ hanji ngwetu masa jita hanga azuke wata. Jita yacho te muyilumbunuka kukisa “upite” unji hanji ngwetu mbongo.—Daniele 11:40, 42, 43.

 Nyi unazange kunyingika kanawa uprofeto uno wa mu Mbimbiliya, tala chinema chinambe ngwo, Uprofeto Uze Hiunamanunuka—Daniele Kapitulu 11.

•   Mbimbiliya yinambe ngwo Zambi makachiza manguvulu eswe a hashi. Iye “makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kuasulisa, alioze wene muukakola wa mutolo”—Danie. 2:44.

•   Kwasala hakehe, Yehova a Zambi malinga yize atu keshi kuhasa kulinga—kuneha sambukila yamwenemwene ni ya mutolo. Mba kuchi machilinga? Machilinga kupalikila mu Wanangana wenyi wa mu malilu uze muukanongesa mata eswe ni kuhwisa ungulungulu weswe hano hashi.—Samu 46:8, 9.

 Nyi unazange kunyingika sango jikwo hakutwala ku yize Wanangana wa Zambi muukalinga, tanga chikuma “O Reino de Deus vai trazer ‘abundância de paz.’”