“Amu musongo wa COVID-19 kuushi kupinjisa nawa atu hashi heswe ngwe chize wapwile ku uputukilo, kuchalumbunukine ngwo kuuchi kununga ni kwapinjisa. Tuli ni shindakenyo ngwetu, kulutwe mukukasoloka misongo ya mutapu au, kashika twatamba kulilulieka.”—Dr. Tedros Adhanom Ghebreyesus, diretor-geral wa Organização Mundial da Saúde, 22 Maio, 2023.

 Musono, atu anji kanapinji ku manyonga ni ku musunya mumu lia musongo wa COVID-19. Shina maululikiso waze akutala ha mwono wa atu halilulieka ha musongo ukwo uze muusoloka kulutwe, ni kutukwasa ha misongo yize tunapinji nayo musono?

 Mbimbiliya yinatongola umwe unguvulu uze muukahwisa misongo yeswe hano hashi. Yinambe ngwo, “Zambi ya mwilu makakolesa umwe wanangana,” hanji ngwetu unguvulu. (Daniele 2:44) Mu wanangana wacho, ‘niumwe kechi kamba ngwenyi, ngunayiji.’ (Izaia 33:24) Atu eswe makapwa ni mwono upema ni tachi ja ukweze.—Yombi 33:25.