Yesu kananyingika chize chinalumbununa kumona lamba mumu lia ungalwe ni kupalika mu yuma ya uhenge. Kamulamikijile chakuhona chitela, yamulamba, yamusopesa mu jila yize kuyalitele, kumupatwila ni kumushiha chitaka. Chipwe ngwe kakapwile ni mulonga, iye yaliecha mwene hanga ahane “mwono wenyi ngwe ukuule hali anji.” (Mateu 20:28; Yoano 15:13) Haliapwila, amu ali Mwanangana wa mu Wanangana wa Zambi, kwasala hakehe Yesu maneha ululi hashi heswe ni kuhwisa ungalwe ku miaka yeswe.—Izaia 42:3.

 Mbimbiliya yakusolola chize hashi muhakapwa muze Yesu maputuka kuyulaho:

•   “Kwasala hakehe mba yingulungulu hi akuhi, ewa, mutala kanawa mu chihela chenyi alioze iye keshimo. Alioze yimbovu kumahinga chifuchi. Kumawahilila mu kulumbama cha sambukila.”—Samu 37:10, 11.

 Kuchi mutuhasa kusolola usakwililo wetu ha yize Yesu anatulingila ni ha yize makatulingila kulutwe? Kulita ni maliji ali ha Luka 22:19, Yesu kalwezele tumbaji twenyi hanga apwe ni kwiuluka kufwa chenyi. Kashika Yela ja Yehova akulikungulula mwaka ni mwaka hanga ewuluke kufwa cha Yesu. Tunakusanyika ukapwe hamwe ni yetu ha Chiwanyino cha Kwiwuluka Kufwa cha Yesu chize muchikapwa Liayenga, 24 ya Março, 2024.

Fupa Kuze Makalingila Chiwanyino cha Kwiwuluka Kufwa cha Yesu