بە‌ش ٣
ئامۆژگاری بۆ ژیانێکی باشتر
وێنای بکە کە دکتۆرێکی نوێ ماڵە‌کە‌ی هێناوە‌تە گە‌ڕە‌کی تۆ، لە‌وانە‌یە لە سە‌رە‌تا دوودڵ بی لە‌وە‌ی کە بچیتە لای. بە‌ڵام ئە‌ی ئە‌گە‌ر هە‌ندێ لە هاوڕێکانت سە‌ردانیان کردبێ و بارودۆخی تە‌ندرووستیان بە شێوە‌یە‌کی بە‌رچاو باشتر بووبێ؟ ئایا لە‌وانە نییە تۆش بیر لە‌وە بکە‌یە‌وە سە‌ردانی بکە‌ی؟
لە‌هە‌ندێک ڕوانگە‌وە، پە‌رتووکی پیرۆز وە‌ک ئە‌و دکتۆرە وایە. لە وانە‌یە هە‌ندێک کە‌س لە ئامۆژگاریە‌کانی پە‌رتووکی پیرۆز دوودڵ بن. بە‌ڵام کاتێک ئامۆژگارییە‌کانی ناو ئە‌و پە‌رتووکە جێبە‌جێ دە‌کە‌ن، ژیانیان بە‌شێوە‌یە‌کی بە‌رچاو باشتر دە‌بێ. تێبینی هە‌ندێ نموونە بکە.
چارە‌سە‌رکردنی کێشە‌کانی هاوسە‌ریە‌تی
سومیاتون دە‌ڵێ: «ماوە‌یە‌کی کورت دوای شووکردنم، هە‌ستم دە‌کرد کە مێردە‌کە‌م، ڕێزی نە‌دە‌گرتم» لە ناچاریا زۆر جار جنێوم پێدە‌دا، شتم پێدادە‌دا، تە‌نانە‌ت لێم دە‌دا. زۆر جار ئە‌وە‌ندە توڕە دە‌بووم لە ئاکامدا دە‌بورامە‌وە.
«کاتێک مێردە‌کە‌م دە‌ستی بە خوێندنی پە‌رتووکی پیرۆز کرد، گاڵتە‌م پێدە‌کرد. بە‌ڵام کاتێ ئە‌و وانە‌ی وە‌ردە‌گرت من لە ژوورە‌کە‌ی تە‌نیشت ئە‌وە‌وە بە‌دزی گوێم لێدە‌گرت. ڕۆژێکیان گوێم لێبوو ئە‌م ئایە‌تە‌ی دە‌خوێندە‌وە: «ئە‌ی ژنان، ملکە‌چی مێردە‌کانتان بن هە‌روە‌ک بۆ خوداوە‌ند ... ژنیش ڕێز لە مێردە‌کە‌ی بگرێ» (ئە‌فە‌سۆس ٥:٢٢، ٣٣). ئە‌م وشانە دڵیان تە‌زاندم. من لە خودا پاڕامە‌وە لێم خۆش بێت چونکە بێ ڕێزیم بە مێردە‌کە‌م کردبوو. پاشان من و مێردە‌کە‌م بە‌یە‌کە‌وە دە‌ستمان بە خوێندنی پە‌رتووکی پیرۆز کرد».
دوماس و سومیاتون
پە‌رتووکی پیرۆز هە‌روە‌ها دە‌فە‌رمووێ: «بە هە‌مان شێوە پێویستە پیاوان ژنە‌کانیان وە‌ک لە‌شی خۆیان خۆشبوێت» (ئە‌فە‌سۆس ٥:٢٨). سومیاتون دە‌یگێڕێتە‌وە: «فێربوونی ئە‌م جۆرە شتانە کاریگە‌ری لە‌سە‌ر هە‌ردووکمان هە‌بوو». ئیتر کاتێ ئە‌و لە کارکردن دە‌گە‌ڕایە‌وە پیاڵە‌یە‌ک چام بۆ ئامادە دە‌کرد و بە نە‌رم و نیانی قسە‌م لە‌گە‌ڵ دە‌کرد. لە بە‌رامبە‌ریشدا مێردە‌کە‌م گۆڕانکاری زۆرتری نیشان دام و لە کاری ناو ماڵ یارمە‌تی دە‌دام. هە‌ردووکمان تێدە‌کۆشاین بۆ ئە‌وە‌ی: «زمان شیرن بن لە‌گە‌ڵ یە‌کتری، بە بە‌زە‌یی بن، لە یە‌کتری خۆش بن» (ئە‌فە‌سۆس ٤:٣٢). لە ئاکامدا خۆشە‌ویستی و ڕێزمان بۆ یە‌کتر وردە وردە گە‌شە‌ی کرد. ئێستا ئێمە زۆرتر لە ٤٠ ساڵە هاوسە‌رێکی کامە‌رانین. ئە‌م ئامۆژگارییە دانایە‌ی وشە‌ی خودا هاوسە‌ریە‌تی ئێمە‌ی ڕزگار کرد.
زاڵ بوون بە‌سە‌ر توڕە‌یی
تە‌یب دە‌ڵێ: «من زۆر شە‌ڕانی و تووڕە بووم، زۆر تووشی شە‌ڕ دە‌بووم و زۆر جار بە چە‌ک هە‌ڕە‌شە‌م لە خە‌ڵک دە‌کرد. هە‌روە‌ها لە ژنە‌کە‌م دە‌دا و جارێکیان لە تووڕە‌ییان دا سە‌ریم لە زە‌وی دا. خە‌ڵک لێم دە‌ترسان».
ئە‌و ژن و مێردە‌ی باسمان کرد هە‌موو شە‌وێک بە‌یە‌کە‌وە ڕاز و نیاز لە‌گە‌ڵ خودا دە‌کە‌ن
ڕۆژێکیان ئە‌م وشانە‌ی عیسام دە‌خوێندە‌وە: «من ڕاسپاردە‌یە‌کی نوێتان پێ ڕادە‌سپێرم: یە‌کتریتان خۆشبوێ وە‌ک خۆشم‌ویستن» (یۆحە‌نا ١٣:٣٤). ئە‌مە زۆر بە‌قوڵی کاریگە‌ری لە سە‌رم هە‌بوو. بڕیارم دا خۆم بگۆڕم. کاتێ لە‌ناخمدا هە‌ستم بە توڕە‌یی دە‌کرد لە خودا دە‌پاڕامە‌وە یارمە‌تیم بدات بە هێمنی بمێنمە‌وە. تووڕە‌ییە‌کە‌م زوو دادە‌مرکایە‌وە. من و ژنە‌کە‌م ئامۆژگاری ناو ئە‌فە‌سۆس ٤:٢٦، ٢٧ مان جێبە‌جێ کرد کە دە‌فە‌رمووێ: «بە‌تووڕە‌یی مە‌مێننە‌وە تا ڕۆژ ئاوا دە‌بێ، دە‌رفە‌ت بە شە‌یتان مە‌دە‌ن». ئێمە هە‌موو ئێوارە‌یە‌ک ئە‌م ئایە‌تە‌مان بە یە‌کە‌وە دە‌خوێندە‌وە و دە‌پاڕاینە‌وە. بە‌هۆی ئە‌مە‌وە فشاری نێوانمان لادە‌چوو و پە‌یوە‌ندیە‌کە‌شمان بە‌هێزتر دە‌بوو.
من ئێستا بە پیاوێکی ئاشتی خواز ناسراوم. ژن و منداڵە‌کانم منیان خۆشدە‌وێ و ڕێزم لێدە‌گرن. زۆر هاوڕێم هە‌یە و پە‌یوە‌ندییە‌کی پتە‌وم لە‌گە‌ڵ خودا هە‌یە. بە‌ڕاستی کامە‌رانم.
وازهێنان لە تریاک
جاین
جاین دە‌ڵێ: «من ئە‌ندامێکی چە‌تە‌ی لاوان بووم، جگە‌رە‌م زۆر دە‌کێشا و زۆر شە‌وم بە سە‌رخۆشی لە‌سە‌ر شە‌قام بە‌سە‌ردە‌برد. هە‌روە‌ها تریاکم بە‌کار دە‌هێنا و حە‌شیش و حە‌بی ئێکستە‌سیم دە‌فرۆشت، کە لە ژێر چاکە‌تە فیشە‌ک نە‌بڕە‌کە‌م دە‌مشاردە‌وە. هە‌رچە‌ندە من بە شە‌ڕانی دیاربووم وخۆم دە‌ردە‌خست، لە ناخم دا هە‌میشە دە‌ترسام».
ئینجا کە‌سێک ئە‌م ئایە‌تە‌ی نیشان دام: «ڕۆڵە فیرکردنە‌کانم لە‌بیر مە‌کە، ... چونکە ڕۆژگاری درێژ و ساڵانی ژیان و ئاشتیت بۆ زیاد دە‌بێ» (پە‌ندە‌کانی سلێمان ٣:١، ٢). من بە‌ڕاستی بە پە‌رۆشی ژیانێکی درێژ و پڕ لە ئاشتی بووم! هە‌روە‌ها ئە‌مە‌شم خوێندە‌وە: «خۆشە‌ویستان، لە‌بە‌ر ئە‌وە‌ی ئە‌م بە‌ڵێنانە‌مان هە‌یە، با خۆمان لە هە‌موو گڵاوییە‌کی جە‌ستە و ڕۆح پاک بکە‌ینە‌وە، لە ترسی خودا پیرۆزی تە‌واو بکە‌ین» (٢ کۆرنسۆس ٧:١). ئیتر من وازم لە تریاک هێنا، وازم لە دۆستایە‌تی چە‌تە‌کان هێنا و دە‌ستم بە خوداپە‌رستی کرد.
من ئێستا کە ١٧ ساڵە تریاکم بە کار نە‌هێناوە، چێژ لە تە‌ندروستی باش، خێزانێکی کامە‌ران، هاوڕێی باش و ویژدانێکی پاک وە‌ردە‌گرم. لە‌بری ئە‌وە‌ی بە‌سە‌رخۆشی لە سە‌ر شە‌قام بکە‌وم، هە‌موو شە‌وێک بە ئاشتی لە سە‌ر تە‌ختی خە‌وتن دە‌خە‌وم.
زاڵ بوون بە‌سە‌ر جیاکاری ڕە‌گە‌زی
بمبنگ دە‌ڵێ: «لە تە‌مە‌نی گە‌نجیم دا تاوانبار بووم، زۆر لە قوربانیانم کە ڕقم لێیان بوون لە ڕە‌گە‌زە کە‌مینانە بوون».
بە‌ڵام پاش ماوە‌یە‌ک بە‌دوای خوداپە‌رستیدا گە‌ڕام. بە‌م جۆرە کۆمە‌ڵێکم ناسی کە بە‌یە‌کە‌وە کۆدە‌بوونە‌وە بۆ ئە‌وە‌ی پە‌رتووکی پیرۆز بخوێنن. لە‌وێ لە لایە‌ن کە‌سانی ناو ئە‌و ڕە‌گە‌زە‌ی کە زۆر ڕقم لێیان بوو بە‌گە‌رمی بە‌خێرهاتن کرام! هە‌روە‌ها بینیم لە‌و کۆمە‌ڵە‌دا، خە‌ڵکی نە‌تە‌وە‌ی جیاواز تێکە‌ڵاو و سە‌ربە‌ست و کامە‌رانن. من سە‌رم سوڕمابوو. ئە‌و کاتە من لە‌م ئایە‌تە تێگە‌یشتم کە دە‌فە‌رمووێ: «خودا لایە‌نگری کە‌س ناکات، بە‌ڵکو لە هە‌ر نە‌تە‌وە‌یە‌ک ئە‌وە‌ی ترسی ئە‌وی لە دڵدا بێت و کاری ڕاستودروست بکات، لە لای پە‌سە‌ندە» (کردار ١٠:٣٤، ٣٥).
ئێستا لە دڵم دا چیتر ئە‌و ڕقە‌م نە‌ماوە کە بە‌رامبە‌ر نە‌تە‌وە جیاوازە‌کان هە‌مبوو. هە‌ندێ لە باشترین هاوڕێکانم لە‌و ڕە‌گە‌زانە‌ن کە من پێشتر ڕقم لێیان بوو. خودا لە ڕێگای پە‌رتووکی پیرۆزە‌وە خۆشە‌ویستی فێرکردم.
بمبنگ ئێستا چێژ لە دۆستایە‌تییە‌کی کامە‌ران لە گە‌ڵ خە‌ڵکی ڕە‌گە‌زە جیاوازە‌کان وە‌ردە‌گرێ
وازهێنان لە توندوتیژی
جارۆجا دە‌ڵێ: «کاتێ گە‌نج بووم، سێ جار کە‌وتمە زیندان‌وە، دوو جار لە‌سە‌ر دزی و جارێکش لە‌بە‌ر ئە‌وە‌ی پیاوێکم بریندار کرد. دواتر چوومە ناو گروپێکی شۆڕشگێر و خە‌ڵکێکی زۆرم کوشت. دوای ئە‌وە‌ی شۆڕشە‌کە کۆتایی پێ هات، بوومە سە‌ردە‌ستە‌ی بە‌ڕێوبە‌ری چە‌تە‌کان. پاسە‌وانە‌کانم بۆ هە‌موو شوێنێک لە گە‌ڵم بوون. من پیاوێکی ترسناک و توندوتیژ بووم».
جارۆجا ئیتر توندوتیژ نییە و وە‌ک مامۆستایە‌کی وشە‌ی خودا ڕێزی لێ دە‌گیرێ
ئینجا ڕۆژێک ئە‌م ئایە‌تە‌م خوێندە‌وە: «خۆشە‌ویستی دان بە‌خۆداگرتن و ڕۆح سووکییە، خۆش‌ویستی لە‌خۆبایی نابێ، چاوپیسی نییە، لووت بە‌رزی نییە، خۆشە‌ویستی تونڕە‌وی نییە، داوای بە‌رژە‌وە‌ندی تایبە‌تی خۆی ناکات، زوو تووڕە نابێ و بە هە‌ڵە‌کانی پێشوو دا ناچێتە‌وە» (١ کۆرنسۆس ١٣:٤، ٥). ئە‌م وشانە دڵیان تە‌زاندم. ماڵم بۆ ناوچە‌یە‌کی تر گواستە‌وە، پە‌رتووکی پیرۆزم خوێند و ئامۆژگارییە‌کانیم لە ژیانم دا جێبە‌جێ کرد.
من ئیتر توندوتیژ نیم. لە‌بری ئە‌مە، من وە‌ک مامۆستایە‌کی وشە‌ی خودا زۆر ڕێزم لێ دە‌گیرێ. ژیانێکی پڕ ئامانجم هە‌یە.
وشە‌ی خودا بە‌هێزە
ئە‌مانە و چە‌ندین ئە‌زموونی لە ژمارنە‌هاتوو دە‌یسە‌لمێنن کە ئە‌م وشانە‌ی خودا ڕاستن کە دە‌فە‌رمووێ: «چونکە وشە‌ی خودا زیندووە و کاریگە‌رە» (عیبرانییە‌کان ٤:١٢). ئامۆژگارییە‌کانی پە‌رتووکی پیرۆز بە‌کارهێنانی سادە و هاندە‌رن.
ئایا پە‌رتووکی پیرۆز دە‌توانێ یارمە‌تی تۆش بدات؟ بە‌ڵێ، دە‌توانێ، بۆ هە‌ر کێشە‌یە‌ک کە تۆ هە‌تبێ. «هە‌موو نووسراوە‌کان لە سروشی خودایە، سوود بە‌خشە بۆ فێرکردن و سە‌رزە‌نشت و ڕاستە‌ڕێکردن و ڕاهێنان لە ڕاستودروستی، تاکو مرۆڤی خودا تە‌واو بێت، ئامادە بێت بۆ هە‌موو کارێکی چاک» (٢ تیمۆساوس ٣:١٦، ١٧).
با تێبینی هە‌ندێ لە فێرکردنە بناغە‌ییە‌کانی پە‌رتووکی پیرۆز بکە‌ین.
