بە‌شی ٤
چۆن پارە خە‌رج دە‌کە‌ی؟
«پلانە‌کان بە ئامۆژگاری دێنە دی.»—پە‌ندە‌کانی سلێمان ٢٠:١٨
ئێمە هە‌موومان بۆ جێبە‌جێ کردنی پێداویستیە‌کانی خێزانە‌کە‌مان پێویستیمان بە پارە هە‌یە (پە‌ندە‌کانی سلێمان ٣٠:٨). لە‌گە‌ڵ ئە‌وە‌شدا «پارە پە‌ناگایە» (ژیرمە‌ندی ٧:١٢). ژن و مێرد لە وانە‌یە بۆیان ئاسایی نە‌بێت دە‌ربارە‌ی پارە قسە بکە‌ن، بە‌ڵام ڕێگا مە‌دە‌ن پارە ببێتە هۆی گرفت لە ژیانی هاوسە‌ریە‌تیتاندا (ئە‌فە‌سۆس ٤:٣٢). ژن و مێرد بۆ بە‌کار هێنانی پارە دە‌بێ متمانە‌یان بە یە‌کتر هە‌بێ و بە یێکە‌وە بڕیار بدە‌ن چۆن پارە خە‌رج بکە‌ن.
١ بە وردی پلانە‌کان داڕێژە
ئە‌وە‌ی کە پە‌رتووکی پیرۆز دە‌فە‌رمووێ: «کێ هە‌یە گە‌ر بیە‌وێ تاوە‌رێک دروست بکات، دانانیشێ پارە‌کە‌ی بژمێرێ و بزانێ پارە‌ی ئە‌وە‌ی هە‌یە کارە‌کە‌ی پێ تە‌واوبکات؟» (لۆقا ١٤:٢٨) زۆر گرنگە کە بە یە‌کە‌وە بۆ خە‌رج کردنی پارە پلان دانێن (ئامۆس ٣:٣). بڕیار بدە‌ن پێویستە چ بکڕن و چە‌ند پارە‌تان بە دە‌ستە‌وە‌یە، تاکو ئە‌و شتە بکڕن (پە‌ندە‌کانی سلێمان ٣١:١٦). هە‌بوونی پارە واتای ئە‌وە نیە کە دە‌بێ شت بکڕن. خۆتان لە قە‌رزوقۆڵە لادە‌ن. تە‌نیا ئە‌وە‌ندە پارە خە‌رج بکە‌ن کە هە‌تانە (پە‌ندە‌کانی سلێمان ٢١:٥؛ ٢٢:٧).
تۆ دە‌توانی چی بکە‌ی:
-
ئە‌گە‌ر لە کۆتای مانگدا پارە‌ی زۆرتان بۆ مایە‌وە، بە‌یە‌کە‌وە بڕیار بدە‌ن چۆنی خە‌رج بکە‌ن.
-
ئە‌گە‌ر پارە‌ی کە‌متان بە دە‌ستە‌وە ماوە، پلانێکی تایبە‌ت دانێن بۆ کە‌م کردنە‌وە‌ی خە‌رجیە‌کانتان. بۆ نموونە، دە‌کرێ لە ماڵێ خواردن درووست بکە‌ن لە جیاتی ئە‌وە‌ی کە لە دە‌رە‌وە خواردن بخۆن.
٢ ڕاستبین بن
ئە‌وە‌ی کە پە‌رتووکی پیرۆز دە‌فە‌رمووێ: «چونکە بە نیازی چاکە‌یین، نە‌ک تە‌نها لە بە‌ردە‌م یە‌زدان، بە‌ڵکو لە بە‌ردە‌م خە‌ڵکیش» (٢ کۆرنسۆس ٨:٢١). لە‌گە‌ل هاوسە‌رە‌کە‌ت ڕاستودرووست بە لە‌بواری ئە‌وە‌ی کە چە‌ند پارە بە‌دە‌ست دە‌هێنی و چە‌ند خە‌رج دە‌کە‌ی.
هە‌میشە لە‌گە‌ڵ هاوسە‌رە‌کە‌ت سە‌بارە‌ت بە بڕیاری گە‌ورە لە‌سە‌ر سامان و دە‌سکە‌وتە‌کانت هاوبیر بە (پە‌ندە‌کانی سلێمان ١٣:١٠). وتووێژ کردن دە‌ربارە‌ی پارە دە‌بێتە هۆی ئە‌وە‌ی کە ژیانی هاوسە‌ریە‌تیت بە ئارامی بە‌ردە‌وام بێت. دە‌سکە‌وتە‌کانت تە‌نیا هی خۆت نییە، بە‌ڵکو هی خێزانە‌کە‌تە (١ تیمۆساوس ٥:٨).
تۆ دە‌توانی چی بکە‌ی:
-
هە‌ردووکتان لە‌سە‌ر ئە‌وە ڕێک بکە‌ون کە دە‌توانن چە‌ند پارە خە‌رج بکە‌ن بێ ئە‌وە‌ی پرس بە یە‌کتر بکە‌ن.
-
قسە لە‌سە‌ر دە‌سکە‌وتە‌کانتان بکە‌ن پێش ئە‌وە‌ی کە تووشی کێشە‌ی دارایی بن.
