وانە‌ی: ١٢
چۆن دە‌توانی لە خودا نزیک بیتە‌وە؟
١. ئایا خودا گوێ لە ھە‌موو پاڕانە‌وە‌کان دە‌گرێ؟
خودا داوا لە ھە‌موو جۆرە مرۆڤێک دە‌کا لە ڕێگای پاڕانە‌وە لێی نزیک بێتە‌وە (زە‌بوور ٦٥:٢). سە‌رە‌ڕای ئە‌مە‌ش ئە‌و گوێ لە ھە‌موو پاڕانە‌وە‌یە‌ک ناگرێ و پە‌سە‌ندی ناکات. بۆ نموونە، گوێ لە پاڕانە‌وە‌ی پیاوێک ناگرێ کە لە ژنە‌کە‌ی دە‌دات (١ پە‌ترۆس ٣:٧). ھە‌روە‌ھا کاتێ ئیسرائیلییە‌کان وازیان لە بە‌دکاری نە‌دە‌ھێنا، خودا پاڕانە‌وە‌کانی قە‌بوڵ نە‌دە‌کردن، لێرە‌دا بۆمان دە‌ردە‌کە‌وێ کە پاڕانە‌وە شتێکی تایبە‌تە. لە‌گە‌ڵ ئە‌وە‌شدا خودا دە‌یە‌وێ گوێ لە ھە‌موو پارانە‌وە‌کان بگرێ تە‌نانە‌ت ھی گوناھبارانیش بە‌مە‌رجێ پە‌شیمان ببنە‌وە.—ئیشایا ١:١٥؛ ٥٥:٧ بخوێنە‌وە.
٢. ئێمە دە‌بێ چۆن بپاڕێینە‌وە؟
پاڕانە‌وە بە‌شێکە لە خوداپە‌رستییە‌کە‌مان، کە‌واتە ئێمە دە‌بێ تە‌نھا لە‌بە‌ر یە‌ھوە‌ی ئافە‌ریدگارمان بپاڕێینە‌وە (مە‌تتا ٤:١٠؛ ٦:٩). ھە‌روە‌ھا ئێستا کە ئێمە ناتە‌واوین، دە‌بێ بە ناوی عیسای مە‌سیح بپاڕێینە‌وە چونکە ئە‌و لە پێناو گوناھە‌کانی ئێمە‌دا مرد (یۆحە‌ننا ١٤:٦). یە‌ھوە نایە‌وێ کە پاڕانە‌وە‌کانمان بێلە‌بە‌ر بڵێین یان لە سە‌ر کاغە‌ز بیانخوێنینە‌وە. ئە‌و دە‌یە‌وێ کە ئێمە لە ناخی دڵمانە‌وە بپاڕێینە‌وە.—مە‌تتا ٦:٧؛ فیلیپی ٤:٦، ٧ بخوێنە‌وە.
ئافە‌ریدگارمان تە‌نانە‌ت دە‌توانێ گوێی لە پاڕانە‌وە‌ی بێدە‌نگیش بێت (١ سامۆئێل ١:١٢، ١٣). ئە‌و بانگە‌شە‌مان دە‌کا لە ھە‌موو بارودۆخێکدا بپاڕێینە‌وە، بۆ نموونە سە‌رە‌تا و کۆتایی ڕۆژی نوێ، یان لە‌پێش نان خواردن یان کاتێک ڕووبە‌ڕووی گیروگرفت دە‌بینە‌وە.—زە‌بوور ٥٥:٢٢؛ مە‌تتا ١٥:٣٦ بخوێنە‌وە.
٣. بۆچی مە‌سیحییە‌کان کۆبوونە‌وە دە‌بە‌ستن؟
نزیک بوونە‌وە لە خودا زۆر ئاسان نییە چونکە لە نێوان خە‌ڵکانێکدا دە‌ژین کە باوە‌ڕیان بە خودا نییە‌و گاڵتە بە بە‌ڵێنە‌کانی خودا دە‌کە‌ن کە پە‌یوە‌ندیان بە ئاشتی سە‌ر زە‌وی ھە‌یە (٢ تیمۆساوس ٣:١، ٤؛ ٢ پە‌ترۆس ٣:٣، ١٣). کە‌واتە ئێمە پێویستیمان بە کۆمە‌ڵێکی ھاندە‌ر وھاوباوە‌ڕ ھە‌یە و ئە‌وانیش پێویستییان بە ئێمە ھە‌یە.—عیبرانییە‌کان ١٠:٢٤، ٢٥ بخوێنە‌وە.
پە‌یوە‌ندی گرتن بە کە‌سانێک کە خودایان خۆشدە‌وێ یارمە‌تیمان دە‌دا لە خودا نزیک کۆبوونە‌وە‌کانی شاھیدانی یە‌ھوە ھە‌لومە‌رجێکی باشن تاکو سوود لە باوە‌ڕی کە‌سانی تر وە‌ربگرین.—ڕۆما ١:١١، ١٢ بخوێنە‌وە.
٤. تۆ چۆن دە‌توانی لە خودا نزیک بیتە‌وە؟
تۆ دە‌توانی لە‌یە‌ھوە نزیک بیتە‌وە لە ڕێگای بیر کردنە‌وە لە‌وە‌ی کە تۆ چی لە وشە‌ی ئە‌و فێر بوویت. بیر لە کارە‌کانی و ڕێنمایی و بە‌ڵینە‌کانی بکە‌وە. بیرکردنە‌وە‌یە‌کی پڕ لە پاڕانە‌وە ھە‌ستێکی سوپاسگوزاری بۆ خۆشە‌ویستی و دانایی خودا لە ناو دڵمان دروست دە‌کا.—یە‌شوع ١:٨؛ زە‌بوور ١:١-٣ بخوێنە‌وە.
تۆ تە‌نھا ئە‌و کاتە دە‌توانی لە خودا نزیک بیتە‌وە کە متمانە و باوە‌ڕت پێی ھە‌بێت. بە‌ڵام باوە‌ڕ وە‌ک زیندە‌وە‌رێکە کە پێویستی بە خۆراک ھە‌یە. تۆ پێویستە بە‌ردە‌وام باوە‌ڕە‌کە‌ت خۆراک بدە‌ی بە پێداچوونە‌وە‌ی دووبارە لە بنچینە‌کانی باوە‌ڕە‌کە‌ت.—مە‌تتا ٤:٤؛ عیبرانییە‌کان ١١:١، ٦ بخوێنە‌وە.
٥. چۆن نزیک بوونە‌وە لە خودا سوودت پێدە‌گە‌یە‌نێت؟
یە‌ھوە بایە‌خ بە‌و کە‌سانە‌دە‌دات کە ئە‌ویان خۆشدە‌وێ. ئە‌و دە‌توانێ لە ھە‌موو ئە‌و شتانە بیانپارێزێ کە باوە‌ڕیان و ھیوایان بە ژیانی ھە‌میشە‌ی دە‌خاتە مە‌ترسییە‌وە (زە‌بوور ٩١:١، ٢، ٧-١٠). ئە‌و ئاگادارمان دە‌کاتە‌وە لە‌و ڕێبازانە‌ی کە ھە‌ڕە‌شە‌ن بۆ تە‌ندروستی و کامە‌رانیمان. یە‌ھوە باشترین ڕێبازی ژیانمان فێردە‌کا.—زە‌بوور ٧٣:٢٧، ٢٨؛ یاقوب ٤:٤، ٨ بخوێنە‌وە.
لەوانەیە تۆش پێت خۆش بێت
دە‌ربارە‌ی ئێمە
بۆچی پە‌رتووکی پیرۆز بخوێنین؟
پە‌رتووکی پیرۆز وە‌ڵامی پرسیارە گرنگە‌کانی ژیانی بۆ ملیۆنە‌ها کە‌س لە سە‌رتاسە‌ری جیهاندا بە‌دە‌هست هێناوە. ئایا دە‌تە‌وێ ببی بە یە‌کێ لە‌وان؟
