Bibliaɗe Jesús junebe religionnaɗe jarabadau “san Miguel” abadau. Bibliaba naka trʉ̃ a ɓuu, Jesús nama iujãaɗaa neei naeɗe mauɗe ʉtaa waya wãsiiɗe. a Chi Bibliaba jara ɓuu Miguel Satanás ome chi berreasii Moisés biuɗakare, mauɗe ángel aiɗasii Daniel Dachi Akõre beɗea ũrii baita ichiɗeeba (Daniel 10:13, 21; Judas 9). Miguelba Dachi Akõre autoridad karebapeɗa chi demoniorã baare chĩobarii. Jãuɗeeba Miguel trʉ̃ a ɓuu “Dachi Akõre kĩraka wãʼãeɗeeba” (Daniel 12:1; Apocalipsis 12:7).

 Kawaɗaika ¿sakayua Jesús chi arcángel Miguel ɓuma?

•   Miguel “chi arcangelbʉ” (Judas 9). Chi arcángel “chi chibari angelerãɗebena ɓuma”, cha nau beɗea versículo omeɗebenaburu ɓuu Bibliaɗe. Chi beɗea arcángel, ángel aɓaburu baita ɓuma, ángel aɓaburu nii mau chi trʉ̃ arcángel. Jesús piradrusiiɗe cha nau versículo aɓauɗe a ɓuu “Dachi Mechiu bajãaɗebena neei. Berrearuu jĩwa ũriɗai, ángel chi mechiu siɗa berrearuu ũriɗai” (1 Tesalonicenses 4:16). Nau textoɗeebara, Jesús arcángel kĩraka berreabarii. Jãuɗeeba jaraɗai ɓua Jesús Miguelbʉ chi arcángel.

•   Miguelburu joma ua kuɓuu bajãaɗe. “Miguel ichi angelerã baare peleasiɗaa dragón ome” Diablo abadau (Apocalipsis 12:7). Ichíturu bajãaɗe chi autoridad Bibliaba jara ɓuu ichíturu “chi príncipe importante nii” mauɗe “chi príncipe choroma nii” (Daniel 10:13, 21; 12:1). Cha nau titulorãba jara ɓuu ichíturu “chi chibari chi ejército bajãaɗebena”. Jãu jara ɓuu David Auneba Miguel ʉ̃rʉbena, chi Nuevo Testamentoɗe.

   Chi Bibliaba jara ɓuu chi trʉ̃ aɓaburu ɓuu aɓa nii joma chi autoridad chi ejército angelerãɗebena baara. Jara ɓuu “mau makai Dachi Mechiu Jesús ichi angelerã chi poyaabadau ome tʉbʉchia aokoɗe bajãaɗebena neeruuɗe” (2 Tesalonicenses 1:7, 8; Mateo 16:27). Jesús “ʉtʉ bajãaɗaa wãsiiɗe ichimaa chi autoridad chi poder deasiɗaa chi angelerã baara nibayua” (1 Pedro 3:​21, 22). Jãuɗeeburu jara panuu Jesús mauɗe Miguel aɓaburu nia.

•   Miguel “ʉtaa akonoɓeeyua” bajãaɗe chi “ewari poyaabai koɓeeburuuɗe” (Daniel 12:1). Chi libro Danielɗebena jara ɓuu “piradru akonoɓeeburuuɗe” mau chi rey biʼia aseburuu kĩra (Daniel 11:​2-4, 21). Jesús “Dachi Akõre Beɗea” abadau, jãturua chi “Rey reyrãɗebena” chi Dachi Akõre enemikorã joma acabaɗayu mauɗe joma karebayua ichiɗirã (Apocalipsis 19:11-16). Jãu aseburuu “mau diaɗe supribudau mauɗe waya supriɗaabayua ara naka supri panuu kĩra” (Mateo 24:21, 42).